金像獎前夕減壓 姜皓文孖老婆歎溫泉

姜皓文（黑仔）今年密密做到無停手，早前他趁有假期，便跟太太殷寧及十多位朋友一起去福岡浸溫泉，又陪老婆睇海豚及勁擦海膽、魚生，二人瘋狂購物到差點要買新篋裝戰利品。黑仔表示：「早排比較忙，之後有幾套戲要開，又要拍TVB劇同準備金像獎，所以想開工前去放鬆下，佢已經話要再去福岡，見到老婆開心我就開心。」貓頭鷹也是黑仔老婆至愛，不過她竟然在福岡的貓頭鷹café「中頭獎」，吸引到貓頭鷹在她頭頂便便，當地視為好運象徵，café店員更即場頒發「好運狀」給殷寧。

黑仔這次福岡之旅行程豐富，去了著名溫泉鄉湯布院浸溫泉，兩人甜蜜浪漫地共享私人溫泉，之後再駕車去睇海豚，睇到黑仔及太太十分開心，不停拍片影相。黑仔說：「同太太開心完回港就要立即開工，連金像獎當晚的衫都未準備，之前忙到忘了擔心，現在感覺又回來了。其實有兩個提名我已經當贏了，威水咗先，就算今年拿不到獎，唯有明年再努力，順其自然吧。」