飛馬來西亞收樓 姜皓文密密做賺裝修費

姜皓文（黑仔）今年初在馬來西亞購入物業，近日趁有空檔即與家人飛過去馬來西亞收樓兼視察新居環境。新屋環境非常優美，更有私人泳池，黑仔感概地說：「一磚一瓦都係努力工作嘅成果，一切都得來不易！最要多謝嘅人一定係老婆，由按揭、搞裝修，大大小小事都由佢打理，而家佢仲負責室內設計、揀傢私，經常要馬來西亞香港兩邊飛，好彩有佢！呢層樓都係我嘅原動力之一，提醒自己努力工作賺錢。」

黑仔說今次旅程每天都忙著搞新居，沒有時間遊山玩水，不過阿妹和檳城的親戚生日，難得一大班人聚在一起慶祝生日，成家人坐小火車上榴槤山吃榴槤，非常熱鬧。黑仔仲發現自己在馬來西亞的人氣不錯，「原來檳城好多人都有睇香港電影，佢哋好熱情，試過問完路之後，車埋我哋去目的地！」