「米奇」吳振東設靈 志偉古仔送花牌 黑仔到場致祭

資深演員吳振東（米奇）早前因病逝世，享年82歲，今日於寶福紀念館設靈，以道教儀式進行，明日10時出殯，隨後前往哥連臣角進行火化。靈堂以簡潔為主，橫匾寫上「褔壽全歸」，靈堂中間放有吳振東太太余丹的花牌。圈中好友曾志偉、古天樂、姜皓文、任達華、黑妹李麗霞、肥媽瑪利亞及演藝人協會致送花牌悼念。
香港動作特技演員公會成員張永漢和徐忠信亦到場致祭，徐忠信稱與米奇相識超過30載，以前經常出去玩，指對方為人爽直又隨和，但早前因身在新彊拍劇，上周才得知噩耗。
張永漢表示一直有探訪米奇，對方首次入院安裝心臟起搏器，其後因氣促問題再入院，最後一次入院就不能出院。他說：「星期日入院好精神，之後變植物人，係突發性，不過佢太太陪住佢，係太太送佢入院。（米奇可有遺願？）佢唔認得人，我都唔認得。」他透露跟米奇一起長大同一齊拍戲，大家一直有探訪對方，不過米奇的晚年是孤獨老人。他說：「今日先見到佢太太，所以都唔知前妻定太太。佢嘅身後事係我哋演藝人協會同香港動作特技演員公會搞，一切費用有人負責，邊個就唔講啦！靈位已經買埋。」問到可需照顧其妻生活費？他說：「呢個我負責唔到。」
姜皓文（黑仔）亦有到場致祭，他表示跟米奇於亞視年代認識，相識超過廿年，大讚對方好人、活潑又搞笑，而且對朋友好真心，首次到的士高玩樂都是米奇帶他去，對方人脈很廣，為人很西化。他說：「米奇可以一個人在舞池拎住枝啤酒好high自己玩，佢識好多大明星，跟佢玩好有面子。」他表示之前知道米奇入老人院，但精神幾好，亦曾跟對方飲茶和燒烤，至上月金像獎頒獎禮前也有聽聞米奇的身體狀況開始走下坡，說：「有日佢吃早餐，跟住昏迷入院。我唔熟悉佢屋企，好少講屋企事，狀況不清楚。」（攝影：張家宜）