維港會：疑似田雞爬倒後鏡搭順風車 慘被風吹走

駕駛人士不時都會遇上「不速之客」搭順風車，早前有老鼠仔躲藏車頭冚，嚇到女司機及乘客，成為一時佳話。有司機今早駕車時亦發現一個「不速之客」，牠爬在私家車的右邊倒後鏡，最終被風吹走。

司機Martin Chan今早於Facebook群組「小心駕駛」上載圖片，指今早有疑似田雞相陪，「開車之後佢走咗，點知突然係下面爬返上嚟，然後我由元朗上高速，佢一路爬到最高，擋住晒啲風，我都心諗點整走佢好⋯去到小欖過隻大彎就吹走咗⋯⋯ 我都唔想，但我都好驚佢」。

圖片中見到一隻疑似田雞爬在其右邊倒後鏡，「眼仔碌碌」十分可愛，其中兩張疑似田雞都未有任何動作，另外一張則見到疑似田雞正在跳躍，或如司機所說被風吹走。

不少網民都認為司機經歷十分搞笑，「搭順風車」、「請扣好安全帶」，亦有網民對疑似田雞被風吹走感到可惜，「好驚喎，比我實嚇死」。