扼斃疑出軌妻 六旬夫：佢話我肥又矮滿足唔到佢

60歲男倉務員疑不滿41歲妻子有外遇及提出離婚，涉前年8月在住所內徒手把其妻扼斃後投海尋死，事後獲救並被控謀殺罪。被告今在高院自辯時，憶述妻子的說話：「佢（妻子）話我年紀大，又肥又矮，著啲衫又普通，性方面又唔可以全面滿足佢，金錢都唔可以滿足佢。」相反，該內地男商人卻「有樓畀我住，有車畀我揸，又教我做生意」，妻子曾直言：「盲嘅都識揀佢。」

何姓被告於庭上指沒有妻子的日子有如「行屍走肉」，而早在3、4個月前，妻子仍叫自己做「老公」，他又慨嘆「點解個女人會變成咁」，並謂「一個大好家庭拆散咗，個女變咗單親」。當時他每晚失眠，腦海會浮現妻子與另一男人大被同眠的情況，「心靈上好痛苦」，他稱曾想過自殺，但從未想過要殺妻。

而在案發當日，即2016年8月6日，被告如常上班，其後撥打妻子的本港電話，她接聽後表示已回港。直至晚上10時許，其妻回家，被告當時問道：「離婚單嘢點搞？」太太回應：「我搵咗律師單方面離婚，你同唔同意都會照做。」被告承認因此二人有所爭辯。

妻子稱不會把住所轉名予他或女兒，而若她需要做生意，便會把單位賣掉，並叫被告與女兒一同申請公屋。被告於庭上表示:「我聽到成個人癲咗，成個天塌咗，就打咗佢一巴。」其後他則用手掩着妻子的嘴，另一隻手便箍着其頸。

然而，被告認為時間不早，「驚個女返嚟見到」，遂他放開手，而妻子並無反應，他擔心妻子會呼叫，故走岀客廳取膠紙封着其口鼻，再為她蓋被，被告接著解釋：「我老婆好怕凍，我下意識幫佢冚被。」

案件明天再續。

法庭記者：陳詠詩