【有片】逆子商場拳打腳踢老父？ 網民嘆「一家唔知一家事」

有網民在facebook上載片段，見到一名男子在商場内，對住懷疑是父親的中老年男子拳打腳踢，惹來商場市民上前圍觀。該男子的行為引來現場市民及網民批評，但也有網民指「一家唔知一家事」，不宜妄下判斷，可能男子有行為或情緒問題。

網民在facebook群組「巴打絲打 Facebook Club」 上載，見到在油塘商場大本型内，一名年輕男子向相信是父親的中老年男子施襲，出拳毆父親，父親雙手捉住兒子並嘗試拉走，令對方鎮靜下來。但兒子與父親糾纏，並向父親連續起幾下飛腳。附近市民見狀上前了解，有男路人看不過眼更喝斥兒子停手，「喂！停手啊！你老豆嚟㗎！」。此時兒子向插手的男路人大罵「X街」，男路人怒斥「打夠未啊」。

而老邁父親無奈向途人揮一揮手，示意可以控制住兒子，希望息事寧人。雖然不知事件前因後果，但網民都指責男子的行為。拍片網民指，「感覺上個男仔唔多正常」。不少網民留言指，「打老豆比雷劈㗎」，「當街打老豆仲好意思講出係老豆嚟」。

不過有網民都認為「唔好去得太盡」，指「如果個仔係有其他問題呢？佢自己可能唔想架」，「 一家唔知一家事，可能男仔有問題，唔識控制自己」，「個老豆灑手擰頭，安撫緊個仔，就知個仔係有精神問題啦。路人甲乙丙唔知情仲去挑釁佢，返屋企老豆俾仔斬死都似」，「有時旁人唔知咩事真係唔好亂判斷」。