見張繼聰被斬滿面血 B女張靖肉緊嗌：爸爸

張繼聰近排忙拍劇，放假都留返陪屋企人享天倫，尤其係湊細女張靖（Karina），增進父女間的感情。昨晚好爸爸張繼聰同囡囡留在家中睇電視，仲睇返佢同鄧麗欣主演的電影《失戀日》；播到張繼聰在街頭打鬥兼被斬一幕，佢抱住囡囡玩埋拍片，有晒「家長指引」唔怕睇血腥場口。爸爸被戲中的李嘉斬到成面血，張靖亦睇到好肉緊，不時咿咿吖吖，仲叫咗聲「爸爸」。

同囡囡欣賞自己演出，張繼聰開心留言：「依位女觀眾睇到好投入，拍攝依幕嘅時候，又熱又攰又打到周身痛，爸爸一諗住係（喺）媽媽肚裏面嘅你，就充滿力量。一眨眼，你就陪住我一齊睇依一幕」。楊千嬅都有留言：「so sweet」，《失》片導演葉念琛則趁機讚自己：「咁细個已經咁有品味」。