胡定欣抱袋鼠BB母愛爆棚 姚子羚胡蓓蔚素顏跑步睇靚景

胡說八道會成員去澳洲拍旅遊節目，日日都放相上社交平台分享開心事。去得澳洲當然唔少得睇袋鼠，胡定欣抱實袋鼠BB時表現溫柔，講嘢又細細聲怕嚇親袋鼠，仲話好有做媽媽的感覺，又難忘又感動，愛心爆棚。

去到天寒地凍的澳洲，加上飲飲食食，實在容易令人放縱。不過姚子羚同胡蓓蔚（豹嫂）秉承Crazy Runner的精神，著起運動裝跑步睇靚景。姚子羚素顏拍片並留言：「天氣咁好！環境咁正～冇藉口唔跑啦，我地（哋）❤大自然。陳山聰我地（哋）去到澳洲都有跑少少㗎！係咪好乖呢？」