29年後keep住有型　杜德偉攬張繼聰餅印父子合照　

張繼聰4歲已經開始做童星，拍過唔少廣告、電視劇，細細個已經同明星藝人交手，其中一位就係杜德偉（Alex）。今日張繼聰上載攝於1988年嘅合照，畀杜德偉攬住嘅佢當年只有7、8歲，Alex都係27歲左右；對比起Alex攬返張繼聰10歲大仔嘅合照，兩父子餅印一樣，Alex亦冇乜點老過。

睇返新舊合照，張繼聰童心未泯索抱：「1988....2017，好有價值嘅一張照片。Alex哥哥，點解你可以keep住咁有型？下次叫Alex抱住我再影番（返）張先」。網民睇完都大讚Alex型棍，「Keep得好之餘，仲要靚仔咗」、「好期待佢攬住你影多張呀」、「個仔同你餅印一樣」、「型咗又man咗」。