Kellyjackie唱《他約我去迪士尼》 青春回憶湧現

《他約我去迪士尼》係唔少8、90後都琅琅上口的歌曲，「坐咖啡杯溫馨記憶，旋轉中細味，天邊星宿也沒法比」，內容夠晒童話、浪漫，在當年瘋狂洗腦下，點都識哼下首歌。 其實《他約我去迪士尼》已經係12年前的產物，身形腫脹不少的主唱Kellyjackie，近日上TVB節目《流行經典50年》演繹首本名曲，青春回憶湧現。不過Kellyjackie憑呢首歌闖出些少名堂後，都冇乜出位的歌壇新動向，亦轉型成為《警訊》的固定主持人；身為吳若希好友的她，亦最常被問及對方之前生B等家事，變相做埋吳若希代言人。