中年漢得6蚊唔夠錢食快餐店早餐港女接濟20元結果意想不到！｜Juicy叮

2025-01-10 15:32

「呃食黨」、「伸手黨」、「借錢黨」等騙徒總是利用人家的好心腸，久而久之，別人有事時都不知是否好伸出援手。有好心港女早前在網上發帖講述自己懷疑遇上「呃食黨」後，不少網民也自爆自己的倒楣經歷，其中一人更加發長文講述在幫忙懷疑「伸手黨」期間，對方毫不客氣地在餅店像玩「1分鐘大擸」的奇遇。

樓主早前在社交平台Threads發帖，指「頭先坐咗喺麥當勞食早餐，對面有個50幾60歲嘅男人手上拎住$6，然後問我『我爭少少錢先食到個早餐，你可唔可以畀我？』。然後我畀咗$20佢。然後佢冇買到早餐就走咗。算啦，$20……，希望我幫到佢」。

騙徒相關閱讀：「落難黨」殺入油塘舉牌列明銀碼XXX討飯錢兼路費網民大爆行蹤

騙徒相關閱讀：身光頸靚「呃飯黨」出沒長髮女向男子落手當街嗌ＸＸ、ＸＸ

快餐店呃食黨逐張睇＋網民自爆倒楣經歷↓↓↓↓

中年漢得6蚊唔夠錢食快餐店早餐港女接濟20元結果意想不到！

樓主帖文。Threads截圖

中年漢聲稱得6蚊唔夠錢食快餐店早餐。資料圖片

網民：收佢6蚊，然後買一份餐畀佢。Threads截圖

網民：施比受更有福。Threads截圖

網民安慰好心有好報

對於幫忙後中年漢的反應不似預期，回應的網民都安慰樓主「好心有好報」、「你心地真好」、「希望佢真係要人幫啦」、「寬容，唔好想壞方向，可能佢真係需要$20+6，去買麵包夠一日食」、「明白好似好傻仔，但向好處諗，會好好」。

另有人則直言該名男子「擺明係『借錢黨』」，並教路「收佢6蚊，然後買一份餐畀佢」、「如果係我，我會話用手機點個麥芝蛋包，等佢自己拎」、「下次直接帶佢去買個包，唔好畀現金⋯⋯呢家呃錢嘅人太多了」。

快餐店呃食黨逐張睇＋網民自爆倒楣經歷↓↓↓↓

網民：如果係我，我會話用手機點個麥芝蛋包，等佢自己拎。Threads截圖

網民：好人好事。Threads截圖

網民：絕不畀。Threads截圖

網民：好心有好報。Threads截圖

網民：寬容，唔好想壞方向。Threads截圖

「伸手黨」餅店「1分鐘大擸」

說起騙子，網民相當樂意分享自己曾經可能被騙的經歷，其中一人發長文指曾遇上懷疑「伸手黨」，在幫忙期間，對方竟然毫不客氣地在餅店像玩「1分鐘大擸」——

「試過港鐵站一出閘見到個好瘦七八十歲嘅老人家，不斷問人可唔可以請佢食個包？佢未食嘢，我見冇人理佢於是我行咗過去，我同佢喺聖X娜揀個包，之後佢問可唔可以買多個畀佢個女？我問佢個女喺邊？佢話佢個女幼稚園未放學，我心諗你都七八十……你個女幼稚園？？？之後我都唔爭在，叫佢揀！點知佢好似喺聖X娜1分鐘大擸咁，揀咗八九個包最貴嘅款式之後店員望住我O（嘴）咗。我嗰一刻都呆咗，我見佢咁貪心，反而唔想再幫，只係同佢講，我只可以買兩個包畀佢！！埋單時佢不斷同我講多謝，仲再問我會唔會有現金可以畀佢砸袋……心很累⋯⋯」。

快餐店呃食黨逐張睇＋網民自爆倒楣經歷↓↓↓↓

網民排隊講故

接著，不少網民也排隊講故↓↓↓↓

網民排隊講故一。Threads截圖

網民排隊講故二。Threads截圖

網民排隊講故三。Threads截圖

網民排隊講故四。Threads截圖

網民排隊講故五。Threads截圖

•「10年前我試過，朝早6:30觀塘協和街，一個中年短髮女人，面青口唇白，問我拎錢買嘢食。我即場買咗袋麵包畀佢，同佢入茶餐廳請佢食雲吞麵，佢係咁話自己慘，叫我畀$100佢。佢食完，我埋起身單走。我聽到佢喺我身後粗言話我運桔」、

•「話說我以前同屋企人住嗰度有勁多港鐵站車費黨，成日走出嚟叫人畀$20佢搭車，講到幾慘幾慘。最後我當然冇畀。返屋企同家母講返件事，佢話好多老同（癮君子）用呢啲招嚟籌旗。（佢以前長大嘅屋苑環境係有啲複雜）。唔理嗰啲人係咪真係如佢所講，我阿媽嘅意思都係話佢地唔係拎錢嚟搭車，所以自此之後我冇再幫過嗰啲人」、

•「記得廿年前遇過差唔多嘅事，事後仲寫咗篇博文。話說喺上海旅行時，有位小姐話盤川用盡想借$10買電話卡，我明知佢係呃人都照借，因為怕萬一佢真係需要。之後佢又打蛇隨棍上問多啲，我就拒絕咗佢，事後寫返出嚟，覺得自己係一個只有$10同情心嘅人，再多都畀唔起。說實在，依家啲人太現實，無乜人情味」、

•「我從來唔會畀錢，但可以請你吃。2008年時我見有穿西裝中年人在藍田麥當勞吃別入剩下，從不騷擾別人；那時我只買多份放在他附近」。

騙徒相關閱讀：「呃飯黨」使美男計？上水赤膊漢疑專向女士下手遭貼街招數臭

關鍵字