中年汉得6蚊唔够钱食快餐店早餐 港女接济20元 结果意想不到！｜Juicy叮
2025-01-10 15:32 
「呃食党」、「伸手党」、「借钱党」等骗徒总是利用人家的好心肠，久而久之，别人有事时都不知是否好伸出援手。有好心港女早前在网上发帖讲述自己怀疑遇上「呃食党」后，不少网民也自爆自己的倒楣经历，其中一人更加发长文讲述在帮忙怀疑「伸手党」期间，对方毫不客气地在饼店像玩「1分钟大擸」的奇遇。
楼主早前在社交平台Threads发帖，指「头先坐咗喺麦当劳食早餐，对面有个50几60岁嘅男人手上拎住$6，然后问我『我争少少钱先食到个早餐，你可唔可以畀我？』。然后我畀咗$20佢。然后佢冇买到早餐就走咗。算啦，$20……，希望我帮到佢」。
骗徒相关阅读：「落难党」杀入油塘 举牌列明银码XXX讨饭钱兼路费 网民大爆行踪
骗徒相关阅读：身光颈靓「呃饭党」出没 长发女向男子落手 当街嗌ＸＸ、ＸＸ
快餐店呃食党逐张睇 ＋ 网民自爆倒楣经历↓↓↓↓
网民安慰好心有好报
对于帮忙后中年汉的反应不似预期，回应的网民都安慰楼主「好心有好报」、「你心地真好」、「希望佢真系要人帮啦 」、「宽容，唔好想坏方向，可能佢真系需要$20+6，去买面包够一日食」、「明白好似好傻仔，但向好处谂，会好好」。
另有人则直言该名男子「摆明系『借钱党』」，并教路「收佢6蚊，然后买一份餐畀佢 」、 「如果系我，我会话用手机点个麦芝蛋包，等佢自己拎」、「下次直接带佢去买个包，唔好畀现金⋯⋯呢家呃钱嘅人太多了」。
骗徒相关阅读：港男罗湖遭「美女党」纠缠实拍全过程 请饮嘢后出事：「佢拉住我唔畀我走！」最后金钱损失咁多
骗徒相关阅读：「白撞党」靠WhatsApp一样嘢食糊 4大常见场景曝光 网民两招杀退骗徒
快餐店呃食党逐张睇 ＋ 网民自爆倒楣经历↓↓↓↓
「伸手党」饼店「1分钟大擸」
说起骗子，网民相当乐意分享自己曾经可能被骗的经历，其中一人发长文指曾遇上怀疑「伸手党」，在帮忙期间，对方竟然毫不客气地在饼店像玩「1分钟大擸」——
「试过港铁站一出闸见到个好瘦七八十岁嘅老人家，不断问人可唔可以请佢食个包？佢未食嘢， 我见冇人理佢于是我行咗过去， 我同佢喺圣X娜拣个包，之后佢问可唔可以买多个畀佢个女？我问佢个女喺边？佢话佢个女幼稚园未放学，我心谂你都七八十……你个女幼稚园？？？之后我都唔争在，叫佢拣！点知佢好似喺圣X娜1分钟大擸咁， 拣咗八九个包最贵嘅款式之后店员望住我O（嘴）咗。我嗰一刻都呆咗，我见佢咁贪心，反而唔想再帮，只系同佢讲，我只可以买两个包畀佢！！ 埋单时佢不断同我讲多谢， 仲再问我会唔会有现金可以畀佢砸袋……心很累⋯⋯」。
骗徒相关阅读：「少女睡衣党」屯门周街开价 问人攞$5做呢样嘢...... 街坊爆3大出没热点
骗徒相关阅读：西环变种「呃食党」唔要钱改要ＸＸ 苦主蒙查查破财：我系咪俾人呃咗啊？
快餐店呃食党逐张睇 ＋ 网民自爆倒楣经历↓↓↓↓
网民排队讲故
接著，不少网民也排队讲故↓↓↓↓
•「10年前我试过，朝早6:30观塘协和街，一个中年短发女人，面青口唇白，问我拎钱买嘢食。我即场买咗袋面包畀佢，同佢入茶餐厅请佢食云吞面，佢系咁话自己惨，叫我畀$100佢。佢食完，我埋起身单走。我听到佢喺我身后粗言话我运桔」、
•「话说我以前同屋企人住嗰度有劲多港铁站车费党，成日走出嚟叫人畀$20佢搭车，讲到几惨几惨。最后我当然冇畀。返屋企同家母讲返件事，佢话好多老同（瘾君子）用呢啲招嚟筹旗。（佢以前长大嘅屋苑环境系有啲复杂）。唔理嗰啲人系咪真系如佢所讲，我阿妈嘅意思都系话佢地唔系拎钱嚟搭车，所以自此之后我冇再帮过嗰啲人」、
•「记得廿年前遇过差唔多嘅事，事后仲写咗篇博文。话说喺上海旅行时，有位小姐话盘川用尽想借$10买电话卡，我明知佢系呃人都照借，因为怕万一佢真系需要。之后佢又打蛇随棍上问多啲，我就拒绝咗佢，事后写返出嚟，觉得自己系一个只有$10同情心嘅人，再多都畀唔起。说实在，依家啲人太现实，无乜人情味」、
•「我从来唔会畀钱，但可以请你吃。2008年时我见有穿西装中年人在蓝田麦当劳吃别入剩下，从不骚扰别人；那时我只买多份放在他附近」。
最新回应