屋苑大型會所未必人人愛 網民盤點3大缺點 管理費貴 做Gym仲要收費

2024-05-24 08:00

屋苑大型會所未必人人愛 網民盤點3大缺點 管理費貴 做gym仲要收費
屋苑大型會所未必人人愛 網民盤點3大缺點 管理費貴 做gym仲要收費

日出康城屋苑首都會所即將停運一事,近日引起軒然大波,但其實未必每個港人均喜歡有會所的屋苑,有網民就發帖認為買擁有大型會所的屋苑「唔化算」,並引來其他網民力數優劣。

現時單幢新盤也設會所

其實早年只有大型豪宅才設有會所,但隨着香港人追求更高質素生活,會所已成近年新盤必備配套,即使是規模較細的單幢新盤,也設有會所設施,但有網民就力數3個大型會所屋苑缺點。

第一、會所越大,管理費越貴,「九龍站依啲個會所多花臣,實唔會平、好似奧運一號銀海咁,當年賣個時都好主打個會所」、「依家有咩樓有好多座但無會所,單棟仲onX,俾管理費都俾死你」。

第二、將來保養及維修費要由業主共同承擔,「三十年後大維修, 除咗自己大廈要維修,仲要負責埋會所維修,一定好X貴」,不過亦有人反駁,「30年都賣左啦!」。

第三、對於工作忙碌的住客而言,會所作用不大,而且有網民表示,有部份屋苑個別設施仍要付費使用,「我屋苑個gym每次都仲要我畀25蚊」、「 個個2000至3000蚊,用佢d野仲要俾錢」。

有網民讚方便 「I人唔想咁多人」

不過,有另一批網民則表示,屋苑設有會所是非常方便,「基本上咩都有唔洗出去迫其實差好遠好遠,管理費有限錢去買方便,好抵嘅。」、「屋企有小朋友同老人家你就知會所幾方便,近近地帶佢地落會所hea」,以及「I人(內向的人)唔想去咁多人地方,會所人少少好岩」等等。

首都會所停運引居民不滿

首都會所一直為居民提供多項服務,如健身室。
首都會所一直為居民提供多項服務,如健身室。
首都會所提供多種服務,更有家長為小朋友在會所報興趣班。
首都會所提供多種服務,更有家長為小朋友在會所報興趣班。
《星島申訴王》亦於業主與業委會對質後,收到首都業主報料,指收到由首都客務處向居民發出的公告,表示將繼續提供會所服務。
《星島申訴王》亦於業主與業委會對質後,收到首都業主報料,指收到由首都客務處向居民發出的公告,表示將繼續提供會所服務。
張志董與居民組成的「首都真業主團隊」,將於5月31日舉行的業主大會
張志董與居民組成的「首都真業主團隊」,將於5月31日舉行的業主大會
多名首都業主知悉會所發出停運通告後,紛紛到會所門外了解情況。
多名首都業主知悉會所發出停運通告後,紛紛到會所門外了解情況。

多名業主向《星島申訴王》記者表示相當憤怒,其中一位業主鍾太說:「居民交咗管理費,但冇得享受設施。原本打算報打拳班,因為(會所傳停運)延遲咗,我個仔暑假想游水又要停。」她認為,若會所停運會影響許多家庭,「我小朋友成日要去會所玩及放電,如果會所停運,對家庭來說好大影響」。

會所服務承辦商合約5月底到期

事實上,首都會所風波早在今年約3月已爆發,主因會所服務承辦商合約將於今年5月31日到期,但有業主不滿之前入標的新承辦商價錢高,決定重新招標,而屋苑管理公司港鐵亦為此暫時跟現有會所承辦商續約,會繼續額外提供多兩個月服務。

延伸閱讀:《星島申訴王》港人置業意向調查 答問題拎迪士尼樂園門票

邊區港人唔鍾意但大陸人鍾意? 港漂網紅最愛靚會所新盤 港人批「管理費好貴」

---

【上車驗樓,星島搵專家幫你手!如果你有新盤驗樓、裝修分享,請即Email:[email protected] 】

《星島申訴王》推出全新項目「區區有申訴」,並增設「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰ https://bit.ly/3uJ3yyF

緊貼最新最快新聞資訊,請立即下載星島頭條App:https://bit.ly/3Q29Vow

關鍵字

最新回應

關鍵字

相關新聞

You are currently at: std.stheadline.com
Skip This Ads
close ad
close ad