外傭爆櫃偷20萬金器典當少主5000元利是錢都偷埋下場係......｜Juicy叮

2023-10-29 14:59

家賊難防。有居葵青區的印傭僱主近日在facebook發帖大呻被工人姐姐爆櫃，偷走20幾萬元金器再典當，更連少主人抽屜內的5000元利是錢也不放過，並自爆借大耳窿十多萬元，上報僱主地址。隨帖上載的十多張當票多得鋪滿一桌，光顧的當鋪還來自不同地區，觸目驚心。事件引起網民嘩然，認為「太恐怖了」。

外傭偷金再典當逐張睇↓↓↓↓＋網民驚嚇回應↓↓↓↓

樓主帖文。網上截圖

樓主補充帖文。網上截圖

樓主：我個工人姐姐原來一早爆咗我櫃。網圖

樓主：攞咗我20幾萬金器去押當。網上截圖

樓主：老人家給我的金器已被盜竊一空。網上截圖

樓主：姐姐自爆借大耳窿十多萬

樓主日前發文指「我個工人姐姐原來一早爆咗我櫃，攞咗我20幾萬金器去押當，老人家給我的金器已被盜竊一空，今天（25日）已經報警處理。警方說就算去押鋪找回贓物我都要攞錢去拿回自己的金器，然後警方調停下我決定畀姐姐繼續打工還清偷金的債務。

警員離場後，姐姐又再爆料佢喺大耳窿借咗十多萬，報的都是我地址，我自己亦借了兩萬多元給她，有沒有大神可以教我怎麼做好，我還有兩個很小的小朋友，我真不知如何是好。補充：剛剛發現她還把我大仔的5000元儲蓄都開櫃桶偷了」。

外傭偷金再典當逐張睇↓↓↓↓＋網民驚嚇回應↓↓↓↓

樓主：警員離場後，姐姐又再爆料佢喺大耳窿借咗十多萬。網上截圖

樓主補充：發現她還把我大仔的5000元儲蓄都開櫃桶偷了。網上截圖

網民：姐姐分唔同檔鋪咁醒，仲捉隻老鼠入米缸。網上截圖

樓主：大約可贖回7成的金器，其他的都沒有了。網上截圖

樓主：我對於自己未能管理好自己財物感到愚昧。網上截圖

樓主：姐姐被捕贖回7成金器

到本月28日，樓主發帖補充，稱「大約可贖回7成的金器，其他的都沒有了。姐姐都被捕了，頭先個差人叔叔話畀我知原來好多姐姐都係偷咗十零廿萬之後就博拉，佢地全部都係匯款返印尼買屋買地，坐幾年就返印尼享福，唔知係咪真」。

樓主向《星島頭條》表示「希望香港政府及印尼政府都會正視這類型事情，在香港坐一年半載監可以在印尼買樓買地，根本是一個很大的社會漏洞，根本在鼓吹外傭犯法」，希望事件能令到社會關注。

而樓主在留言欄回應網民提問時提到更多詳情↓↓↓↓

•各位我是樓主，亦是受害人，我對於自己未能管理好自己財物感到愚昧，亦可能是對姐姐的過分信任導致自己損失，而最新消息亦發現我兒子的幾千元利是錢亦都被她盜取，全因我家中只是用很簡陋的舊式鎖匙櫃桶，亦沒有依時檢查財物，我今天衷心的感受到自己的愚昧，希望借此事提醒各位網友好好注意自己的工人，不要再發生像我一樣愚昧的過錯。

•啲金器放咗喺嗰個位好多年都冇動過，嚴格嚟講自己都唔記得自己有金器放咗喺屋企，自己都有責任。

•我唔見啲現金開始越嚟越多，先去注意返自己有啲乜嘢貴重物品喺屋企。

•我自己第二朝逐間當鋪去贖回金器，贖到多少贖多少，然後就報警計數。

外傭偷金再典當逐張睇↓↓↓↓＋網民驚嚇回應↓↓↓↓

樓主：可能是對姐姐的過分信任導致自己損失。網上截圖

facebook專頁的版主也留言指「替你（樓主）擔心」。網上截圖

樓主：我家中只是用很簡陋的舊式鎖匙櫃桶，亦沒有依時檢查財物。網圖

樓主疑工人姐姐準備走佬。網上截圖

樓主：佢（工人姐姐）其實應該準備走佬的。網上截圖

樓主疑工人姐姐準備走佬

樓主進一步透露，「佢（工人姐姐）其實應該準備走佬的，9月至10月話屋企人入咗醫院問我借咗共2萬蚊，10月再叫我提早出糧，東窗事發時我先發現佢在10月一個星期內借盡3條財仔，同一個星期內攞埋最重嘅金器去押當，只係今次佢走唔切，原來差人嗰面查到2020年剛入職我家時候在多間押鋪亦有交易紀錄，應該是上一手僱主的金器，或者是在港朋友僱主的金器，現在警方還在調查中」。

樓主還向《星島頭條》提到，「個post出了之後，已經有苦主聯絡我，有相同事請發生，都是所有金器都不見了」；「我同另外一位苦主溝通緊，佢姐姐啱啱出咗街，我都建議佢馬上報警，截停姐姐任何動作，唔好再畀機會佢哋毀滅證據」。

警方：案件列盜竊

警方表示，案件中涉事女傭年約43歲，事主10月25日報案，指懷疑家中外傭偷取物件，經點算後發現損失約值20萬元的金器和5000元現金。警方指事主實際損失有待進一步點算，案件列盜竊，涉案女傭被帶到葵涌警署接受調查，警方正繼續跟進事件。

網民：坐幾個月監可退休回鄉住大屋

事件引起網民嘩然，稱「係香港坐監都好食好住，唔使做，好過佢返鄉下」、「唔玩幾年電話就可以退休返鄉下住大屋又唔使做，電話繼續玩。人地計過條數啦」、「做工人幾年都賺唔到咁多錢，依家坐幾個月監就可以淨賺多過做工人，唔使捱多幾年，你話有幾划算！」。

外傭偷金再典當逐張睇↓↓↓↓＋網民驚嚇回應↓↓↓↓

網民：所以我媽一早叫我拎走d金器鎖落保險箱。網上截圖

涉案女傭被帶走調查。網圖

網民：送佢去坐監。網上截圖

網民點算好似有16張押票。網上截圖

網民：錢袋咗就係自己嘅，點會自己嘔返出嚟呢？網上截圖

網民反對樓主好心收留

網民同時不贊成樓主的好心收留，連facebook專頁的版主也留言指「替你擔心。如賊留在家中，可能仲傷……如果金飾係無價寶，建議贖回，以後放在銀行保險箱。見到有的當票已過4個月，應該沒有了。以4個月為一期」、「真的。已經有不少案件，以前有幾單曾電聯過我哋，其中－單40萬金飾。幾年前，公司同事的朋友又係偷了一盒珠寶首飾」。

網民：佢已一身債一世還唔清

另有網民心急提醒樓主「佢（工人姐姐）已經一身債，一世還唔清。每月工資有多少可以還債？」、「姐姐分唔同檔鋪咁醒，仲捉隻老鼠入米缸」，應要「送佢去坐監」，強調「此人不可留，只有更多麻煩找上門」，還稱「所以我媽一早叫我拎走d金器鎖落保險箱」。

網民還分析指，「傻豬，佢唔會話還㗎！錢袋咗就係自己嘅，點會自己嘔返出嚟呢？佢繼續打工，繼續有收入，繼續可以用佢嘅合約出去借錢，繼續可以留喺香港同埋你屋企慢慢狩獵其他財物。而且佢有案底，佢喺香港已經搵唔到其他工，唔留喺你屋企可以去邊度賺錢？」、「你為咗減損留佢係屋企。咁不如止損即炒啊。佢又借財仔錢，又偷嘢……每一樣都可以即炒。留個外賊係屋企等於放吳三桂入屋。我工人有偷嘢，有借錢。我已搵到新工人，而且新工人到埗將會即炒舊工人」。