「大埔公主」大鬧巴士喪爆粗咒司機 車長「這激烈反應」惹熱議 網民：唔抵幫！？｜Juicy叮
2023-10-24 14:09 
一名港婦疑因巴士司機未有「對站」停車，上車後喪爆粗大鬧司機，這位女子被網民嘲諷為「大埔公主」，暗諷其在車廂的吵鬧行為是「公主病」發作。
司機面對辱罵時的「激烈反應」，亦引來網民熱議，不少網民指司機處理有可改善之處，「其實個司機真係唔抵幫！？」
「你買棺材都唔係即刻死！」
有關大鬧巴士的影片在上周三（18日）上載多個社交平台，涉事為九巴71K路線，該架巴士來往太和和大埔墟。
當時女乘客似乎剛上車，不斷以尖銳聲線、咒罵司機去死，「你買棺材都唔係即刻死啊，你行落去啊，車死你啊，Ｘ街！」
下雨天不滿巴士未「對正站」停車
當時正在下雨，從咒罵說話中，該女子似對於司機未有「對正站」停車，令她要冒雨上車非常不滿，「又唔停，係人都睇到你嗰時又唔停，走返轉頭你又開！」
司機這時未有開車，他亦以「你係咪想死」作出還擊，激動時，甚至鬆開安全帶站起身，拉下口罩，打開駕駛門，與這名女乘客互相指罵。
兩人具體的「互片」情況，詳見以下足本字幕版圖輯：
「大埔公主」大鬧巴士咒罵司機 車長「這激烈反應」惹議【足本字幕版】↓↓↓↓
面對兩人激戰不休，其他乘客終於介入，有乘客大喊：「趕時間啊，開車唔該！」另有乘客批評該女子：「你咁樣騷擾司機，開唔到車㗎喎。」
眼見該女子仍咒罵不斷，有乘客要求該女子下車，「你想拗嘅，唔夠你落車同公司（指九巴）拗！」女子這時才悻悻然，邊罵邊行入車廂內，司機這時開車。
網民：可以拉個女人騷擾司機
網民批評該女子騷擾司機，「大埔公主？」「極品女乘客。」「完美咁演繹一個潑婦。」
「其實可以拉個女人騷擾司機，車長都有權唔使理由趕她落車。」「呢個女人拉得，騷擾司機妨礙其開車。」
網民憂司機嘈交影響駕駛安全
網民熱議司機的激烈反應：「司機大哥點撐你？根本唔應該同佢嘈，報警，趕佢落車，完！」「其實個司機真係唔抵幫，你嘈既我就趕你落車，一係唔開車。」
有網民則認為面對如此咒罵，司機已經很克制，「司機已經好有禮貌。」「條女咁嘈，司機咁應都算EQ高。」「司機算好有幽默感！」「撐車長安全駕駛。」
2018大埔九巴19死案 司機開車前疑與乘客爭執
但是，部分網民指司機無論如何不應與乘客互罵，擔心司機與乘客嘈交影響駕駛安全，「司機真係唔應該同佢嘈，一路開車仲同佢講嘢，係危險駕駛。」
「其實司機同條友嘈完，心情會差影響判斷，條友仲要仲喺㗎車到嘈......一路揸一路互Ｘ，最差情況變到幾年前初三馬場完場單嘢咁，大炒死十幾件。」
2018年2月，大埔公路發生巴士奪命車禍，造成19死66傷，有傷者家屬透露，司機開車前曾與乘客爭執。
妨礙巴士司機最高可判囚半年
九巴乘客須知列明，不得恐嚇、謾罵或以侮辱性的言語或動作，或以任何其他方式騷擾車長。
根據《公共巴士服務規例》第230A章13A，乘客不得故意阻礙或妨礙巴士司機，違者最高可判處罰款5千元及監禁6個月。
同場加映：男女企巴士上層「惹人遐思」照瘋傳 網民估其實係...↓↓↓↓
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應