嫌同事成日講唔停口打工仔跪求辦公室自閉法網民傳授職場四大忍術｜Juicy叮

2023-10-27 11:44

嫌同事成日講唔停口打工仔跪求辦公室自閉法網民傳授職場四大忍術。istock圖片，非當事人（小圖為網圖）

職場打滾，有時往往為高薪而「硬食」麻煩同事。有社恐打工仔左想右想，還是決定向網民求助，跪求「辦公室自閉法」，但求在無盡的上班日子中能每天過得好一些。

樓主早前在網上「香港討論區」以「請問大家有冇辦公室自閉法？」為題發文向網民提問——「有冇d同事好衰？自閉是惟一出路？有乜方法？」，並形容自己「返去生不如死。惟有工作之外，寄情手機」、「自行自閉，不問世事，不打交道」。細心的網民不但替樓主分憂，並傳授職場四大忍術↓↓↓↓

網民傳授職場四大忍術↓↓↓↓

網民傳授職場四大忍術。

借聾耳陳對耳。

多做多錯，少做少錯，不做不錯。

唔負責嘅嘢一律唔掂，知點做都唔好出頭。

收工後就四個大字，關人Ｘ事。

關乎飯碗網民冷靜分析

不過儘管上班難受，樓主表明不會辭職，因「出去搵唔到呢個人工」，所以唯有學做職場忍者。關乎飯碗，回應的網民冷靜替樓主分析：「視乎工作性質，很難玩自閉」、「唯一，除非你做得耐，或者公司流程容許你自閉，如果唔係，唔係你話自閉就可以自閉，有時工作上好多嘢都需要同人夾。我都想做一份可以自閉嘅工，可以唔使理其他人，但奈何搵唔到。如果你話做保安，咪一樣要對住啲住客」。

網民傳授職場忍者大法逐張睇↓↓↓↓

樓主帖文。網上截圖（istock圖片，非當事人）

關乎飯碗，網民冷靜分析。網上截圖（istock圖片，非當事人）

樓主想做職場忍者。istock圖片

網民傳授職場忍術。網上截圖（istock圖片，非當事人）

網民：返工，最緊要有糧支。網上截圖（istock圖片，非當事人）

網民：擺脫同事羈絆唯有「自僱」

有回應的網民左度右度，指想擺脫同事羈絆唯有「自僱」。另有相信是資深職員的網民則教路：「借咗聾耳陳對耳囉，多做多錯，少做少錯，不做不錯，唔係你負責嘅嘢一律唔掂，就算你知點做都唔好出頭，直至係被指派先至做，至於你話啲同事好衰，咁你返工為乜先？為賺錢丫嘛，準時出到糧咪算囉，又唔係要同班垃圾做人世，收工後就四個大字，關人Ｘ事」。

網民傳授職場忍者大法逐張睇↓↓↓↓

網民：班師奶同事好鬼煩，把口成日講唔停，為講而講，成日要扮外向扮多嘢講。網上截圖（istock圖片，非當事人）

網民：所有同事都會因為利益互相出賣，傾計留返畀屋企人或朋友。網上截圖（istock圖片，非當事人）

樓主：自行自閉，不問世事，不打交道。網上截圖（istock圖片，非當事人）

樓主形容自己「返去生不如死。惟有工作之外，寄情手機」。網上截圖（istock圖片，非當事人）

樓主表明不會辭職，因「出去搵唔到呢個人工」。istock圖片

樓主在回應網民時表示明白上班「唔係搵朋友，不過有傾得咪時間容易過d」，只是卻發現同事「愈來愈唔啱咀型」，並提到奇怪有同事「本來有傾有講，又冇得罪佢，無啦啦冷淡晒」，還稱「我老細都知道d人麻煩。自己都自閉，成日篤電話」。

網民力數同事：把口成日講唔停

有網民接著力數自己同事的不是，斥「班師奶同事好鬼煩，把口成日講唔停，為講而講，成日要扮外向扮多嘢講，好ONＸ」。另有人直接回應樓主，稱「有乜好傾？有乜好講？冷淡咪冷淡囉，返工，最緊要有糧支」，並提醒「所有同事都會因為利益互相出賣，傾計留返畀屋企人或朋友」；還有人自爆「我十年前有一期都因為唔想係辦公室對住d智障同事，走咗去做送貨」。