獨家丨MC激罕崩壞Look自爆有女埋身即面紅 絕密探班處男電影演爛撻撻科學家

2022-09-08 07:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time -:-
 
1x
    • Chapters
    • descriptions off, selected
    • captions and subtitles off, selected

      MC今次演繹真係幾突破,完全拋低晒偶包。
      MC今次演繹真係幾突破,完全拋低晒偶包。

      樂壇新人王MC(張天賦),最近殺入埋電影圈,首部電影《夜校》拍住凌文龍小龍同葛民輝等前輩齊搞笑。MC在處男作飾演三流科學家,造型好突破,着人字拖加爛撻撻態度,仲要好麻甩咁戙戙高腳食麵,Fans暫時將台上好有Power唱《小心地滑》嘅佢放埋一邊先。豁出去的MC,仲攞自己56官方聲稱高度嚟開玩笑,甚至唔介意將超巿緋聞擺上,仲大方表示一直等緊做超巿代言人,呢啲咪識玩囉。 採訪:杜杜 攝影:娛樂組

      MC同小龍戲裏面係好兄弟,阿葛幫佢哋澄清咗冇其他曖昧關係。
      MC同小龍戲裏面係好兄弟,阿葛幫佢哋澄清咗冇其他曖昧關係。
      戲中MC同小龍係三流科學家,設計埋啲搵唔到食嘅嘢。
      戲中MC同小龍係三流科學家,設計埋啲搵唔到食嘅嘢。

      《夜校》由黃永峯監製、劉翁執導,戲中MC和凌文龍飾演好兄弟,兩人都醉心科學,但創作埋啲搵唔到食嘅設計,結果窮到要住喺小龍女友陳紫萱(Summer)屋企。探班當日劇情講述,MC、小龍齊抬面色蒼白,郁都唔郁嘅葛民輝返屋企,阿葛笑指:「全套戲入面我係一個好沉默嘅人,同我以前嘅角色係好大分別,係考演技,導演盛讚我今次可以提名最佳男主角,演技完全唔浮誇,好沉實,問鼎影帝都冇問題,基本上我係一個道具,哈哈!」

      導演劉翁親自講解,三位演員都好留心聽。
      導演劉翁親自講解,三位演員都好留心聽。
      阿葛形容角色人唔似人鬼唔似鬼,全程都係呢個死樣嚟演繹。
      阿葛形容角色人唔似人鬼唔似鬼,全程都係呢個死樣嚟演繹。
      阿葛訪問時似開棟篤笑,仲揸埋隻假手指手劃腳,笑死人。
      阿葛訪問時似開棟篤笑,仲揸埋隻假手指手劃腳,笑死人。

      凌文龍好少俾女飛

      另一場戲,Summer覺得男友小龍黐埋MC不思長進,仲要兩條廢青住埋自己屋企,頂唔順提出分手,兩人嗌晒大交氣氛好差,但在場嘅MC完全懶理,仲有心情坐喺沙發,高隻腳食麵,個衰格樣同平日靚仔look真係有好大反差。講到畀女飛,小龍聲稱冇乜經驗,仲話:「其實我都好重視佢(戲中女友),佢唔明白咋!我好錫佢㗎!我成日同佢講我嘅工作有人賞識,我包養佢一世。」

      小龍同Summer嗌交講分手,但MC好少理照戙高腳大啖食麵。
      小龍同Summer嗌交講分手,但MC好少理照戙高腳大啖食麵。
      MC呢個食麵樣,雖然衰衰格格咁,但係又幾過癮幾搞笑。
      MC呢個食麵樣,雖然衰衰格格咁,但係又幾過癮幾搞笑。

      MC Keep住熒幕初吻

      其實套戲唔止得小龍有女埋身,MC都有感情線,就是靚女黃曦誼(Candy),不過MC就強調兩人冇親密戲份,咁Lucy李璨琛個女就可以放心嘞,MC又話仲未獻出熒幕初吻,希望將來拍戲有機會,問到係咪今次對象問題?,MC秒答,「絕對唔係啦!」MC仲自爆跟Candy黐埋啲都即變怕醜仔,「拍呢套戲前有個workshop,畀我哋去了解大家先,頭幾次我哋好尷尬。」 Candy踢爆他:「佢同我對戲就會笑!」MC再補充,「你記唔記得有條片拍到,我唔小心跣親跌咗落地下,跟住你埋嚟問我,『你點呀?』,我係成塊面紅晒!」

      小龍同Summer談情,MC全程做電燈膽。
      小龍同Summer談情,MC全程做電燈膽。
      小龍同Summer雖然係初次合作,但兩人演情侶好合拍。
      小龍同Summer雖然係初次合作,但兩人演情侶好合拍。

      拒絕同女仔去超市

      雖然MC同飾演神婆的陳伊霖(Eelyn)戲中冇感情戲,但兩人鏡頭內外都不停互窒,十足十鬥氣冤家,MC仲笑指女方於戲中好羡慕可以拍拖嘅角色,「佢係發姣嘅神婆嚟,所以簡稱『姣婆』,弊!佢應該開始詛咒我,今晚返去作法。」Eelyn即還擊玩踢爆,「我哋上次傾偈,講開緋聞嘅好處,我就同佢講不如我哋得閒去超巿行吓,但係佢拒絕我囉!」MC即刻澄清,唔係厭棄Eelyn,「真係唔關你事,一路以嚟都好想爭取到呢個代言,呢個機會,就留返我真係有代言嘅時候。」

      MC玩埋自嘲,話呢個先係自己理想高度喎!仲點夠佢玩先?!
      MC玩埋自嘲,話呢個先係自己理想高度喎!仲點夠佢玩先?!
      MC出道以嚟都屬有型靚仔,剛開騷繼續做返個偶像。
      MC出道以嚟都屬有型靚仔,剛開騷繼續做返個偶像。

       

      《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策