古巨基不老保養秘訣靠老婆晚晚搽cream MC暗示紅館開個唱

2022-09-07 19:37

MC冇諗過會同基仔合作。
MC冇諗過會同基仔合作。

古巨基音樂企劃「I Really Love To Sing」第二炮請來MC張天賦合唱《自我安慰》,今次找來80年代女神柏安妮的17歲寶貝女、新進演員許恩怡(Natalie)擔任女主角。昨晚基仔與MC於IG開Live,MC坦言這次跟基仔的合作十分「夢幻」,因為從小便聽他的歌,沒想過竟然能夠有機會一齊合作,他更賣口乖話:「睇番《飄流教室》個MV,直至《自我安慰》個MV,個樣其實係冇變過㗎。其實你有冇一啲保養嘅技巧?」

古巨基音樂企劃第二炮請來MC合唱《自我安慰》。
古巨基音樂企劃第二炮請來MC合唱《自我安慰》。
基仔又有新作推出。
基仔又有新作推出。
柏安妮的女兒擔任MV女角。
柏安妮的女兒擔任MV女角。
甜蜜過後最終分手收場。
甜蜜過後最終分手收場。

基仔聞言MC還年輕,未有需要用到保養技巧,隨後卻靈機一觸,答道:「我知啦!有一個保養技巧呀,就係娶一個會幫你保養嘅老婆呀!」MC隨即大笑,基仔續說:「因為我自己真係唔識保養㗎,每日古太臨瞓前或者我臨瞓前,會幫我搽晒啲面,排晒一支二支,我諗嗰度有四五六七支嘢咁啦,由右到左,古太會話:『你而家未洗面呀,咁臨瞓前就自己搽啦。』如果我洗咗面,佢就幫我搽囉。我真係唔識保養,但如果真係要問我嘅方法,就係搵一個幫你保養到嘅老婆吖。」

日前MC在演唱會上宣佈將會舉行演唱會,基仔代MC粉絲追問 : 「我睇報導寫,你嚟緊準備有一個新嘅演唱會呀 ?」MC回應 :「係啦 ! 日子就未確實公佈到啦。但係會喺一個都幾大嘅地方嚟既,會係我嘅一個個人演唱會,或者到時有你做嘉賓都唔定㗎。哈哈⋯我咩都唔講得住呀,大家期待下啦!」

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad