張天賦洪嘉豪宣佈「各行各路」預告單拖舉行演唱會

2022-09-05 14:11

張天賦（MC）和洪嘉豪（Kaho）一連三場《FRENEMY Live 2022》昨晚在九展圓滿落幕，MC表示二人為這個演唱會奉獻了很多第一次，第一次跳舞、第一次玩Autotune以及第一次個人表演舞步，嘉豪即說：「好彩有我喺側邊扯住你，如果唔係你就咗碌落去！」其實當時MC的個人舞步演出，就像滾地葫蘆一樣在地上滾動，MC也忍不住笑指，自己似熊貓翻身時被卡住一樣，之後他更呼籲賦二代（粉絲暱稱）：「啱啱拍咗我嘅跳舞片段就要刪除，以免引起我不安，哈哈！」

Kaho表示今次是二人短期內最後一次合作，他先多謝MC這一年的推動，否則在音樂會上肯定不會跳舞，MC亦稱大家一起從街上玩街頭演唱、出道、上舞台，期間有很多開心事，陪着對方成長，有打有鬧，真的很正，二人便即時擁抱。接着Kaho率先公佈喜訊：「我行先一步舉行個人演唱會，今次嘅演唱會真係好抱歉，唔夠位畀大家，遲啲我嘅演唱會希望大家都可以買到飛，時間未定，但一定有，係今年之內嘅事。」在旁的MC當然「唔執輸」：「我明年將會有個人演唱會，我都好希望賦二代能入場支持，唔需要咁慘要捱黃牛飛，不過公司指示暫唔可以公佈場地，但應該夠大家坐。」

第二場演出時MC爆褲，他表示，這令他失去安全感，所以下次準備演出時要再瘦一點：「我為咗減咗4KG，但係仲未練到可以畀人睇到嘅地方，下次應該可以。」嘉豪笑稱，第二場演出時自己已揭起了上衫，如果要除衫就要看各自個人的演唱會，有時候未必除衫就好睇，仲要睇埋設計，雖然唔知到時嘅服裝設計，但係都會績極操練。MC則說：「我都唔會話刻意騷肌畀人睇，但當真係要騷嘅話，都至少可以騷到。」

此外，MIRROR自發生紅館嚴重意外事故後一直停工，有傳他們的一些工作轉移到MC身上，問他近日是否多了很多工作？MC說：「我冇特別留意，呢幾個月真係好落力準備演唱會，每日用最多嘅時間就係排舞。」