68歲李國麟搵命搏 鯨吞小龍蝦試帶貨直播被劣評：心理好大壓力

李國麟近年積極打入內地市場，不但開設不同社交媒體帳戶，更開始嘗試直播帶貨。不過早前他直播8小時僅約1000人收看，似乎仍需努力。早前他接受內地電台訪問時透露：「有個唔知咩人話我出嚟賣假貨。做咗嗰兩場之後，賣咗好多錢嘅貨，跟住退貨，變咗劣評帶貨藝人，心理上好大打擊，亦都影響埋我嗰個流量。」

 

李國麟自去年開始嘗試帶貨直播，曾經在直播中「鯨吞」大量超辣小龍蝦，期間更要不停飲水，不少網民都著已68歲的他要小心身體。近日李國麟接受內地電台節目《麗人麗語》訪問時表示，他在近月才開設抖音帳戶，在經理人建議下嘗試直播帶貨，形容頭兩場直播「成績好好，直播流量都好犀利，最高我試過去到全國帶貨榜一」。

不過後來有言論質疑李國麟賣假貨，他指「做咗嗰兩場之後，賣咗好多錢嘅貨，跟住退貨，變咗劣評帶貨藝人，心理上好大打擊，亦都影響埋我嗰個流量。」事件令他學會辰先了解貨品才能做出優質的帶貨直播。李國麟說：「如果唔唔經過挫折同失敗，我唔會喺裡面成長。我覺得我喺直播間學到嘅嘢就係，你賣嘅嘢你要負責任，當我對我賣嘅產品有疑惑嘅時候，對唔住，我唔得。」他又指：「有人話你會得罪好多客，你會得罪好多信任你嘅粉絲，唔緊要，佢哋咁樣我可以慢慢攞返個信譽，我唔賺呢啲錢‥‥‥因為你行咗條錯路，又或者踩咗個坑，你要面對，避嚟冇用。」

李國麟自去年起開始嘗試帶貨直播，曾經在直播中「鯨吞」大量超辣小龍蝦，期間更要不停飲水。（影片截圖）

李國麟近年積極打入內地市場，開設不同社交媒體帳戶，更開始嘗試直播帶貨。（微博＠李國麟）

立即下載｜全新《星島頭條》APP：https://bit.ly/3yLrgYZ