獨家丨張達倫望攞男配角獎風光回歸 離巢恨同偶像劉青雲合作

2022-09-02 07:00

達倫認為跟不同人及單位合作,有助提升自己演技。
達倫認為跟不同人及單位合作,有助提升自己演技。

張達倫最近在《白色強人II》繼續飾演賤格無恥的醫院發展局主席「溫銘章」,他笑指今次賤得更立體,又自爆經常被唐詩詠和胡定欣取笑「不舉」。雖然在TVB工作18年一直同台前幕後打成一片,但達倫好想試新嘢,甚至跟偶像劉青雲對戲,更希望他日能挾住最佳男配角獎風光回歸。採訪杜 攝影:朱偉彥 髮型:Seiko Sin@Hair Culture 服裝:Kenzo 場地:Pazzi Issokenmei

達倫在TVB拍的劇集只欠《法言人》未播,之後大家應該有段時間見不到他的電視作品。
達倫在TVB拍的劇集只欠《法言人》未播,之後大家應該有段時間見不到他的電視作品。

達倫認為今次演的「溫銘章」更立體,賤得來多點人性,尤其面對有病的「YT」(郭晉安)。不過作為男人演不舉角色,仲要演兩次,他坦言唔尷尬,但一樣慘,「喺度不停畀人笑㗎!唐詩詠見到我每一次實講,定欣最初唔係好知,但係後尾知道都笑我啦!男仔反而冇乜邊個笑,可能佢哋自己𠵱家係啩!哈哈!」

達倫認為「溫銘章」雖然賤格,但都有人性一面更好玩。
達倫認為「溫銘章」雖然賤格,但都有人性一面更好玩。

 

原來達倫跟定欣未入TVB做模特兒時已合作,所以被她取笑「不舉」也不覺尷尬。
原來達倫跟定欣未入TVB做模特兒時已合作,所以被她取笑「不舉」也不覺尷尬。

太安穩想搵新衝擊

剛離開合作了18年的TVB,達倫坦承並非有任何不滿,反而是太安穩想搵些新衝擊,「試吓唔同嘅對手,唔同嘅班底,搵到第二個張達倫出嚟,所以我諗得好清楚,係時候出嚟試吓其他嘢。」講到最恨合作,當然是他頭號偶像劉青雲,「嘩!呢啲連個毛孔都係戲嘅人,好想合作吓,希望公司快啲安排,咁當然都要個故仔吸引到青雲哥嘅。」

劉青雲是達倫頭號偶像,未合作前有得合照都好開心。
劉青雲是達倫頭號偶像,未合作前有得合照都好開心。
達倫睇完《明日戰記》,都恨有機會拍科幻片。
達倫睇完《明日戰記》,都恨有機會拍科幻片。

達倫形容現在好似學成下山去闖盪江湖,所以難保他朝會再返娘家合作,當然他最希望能風光回歸,「我都希望有一日有角色啱,而我返番去TVB拍劇,畀人覺得同以前嘅張達倫又唔同咗,呢樣嘢係大家雙贏,我好想做到呢個張達倫,等如黃秋生同張衛健佢哋返番TVB拍嘢,我哋都覺得係唔同㗎喎!我都好想有日張達倫返去令人覺得張達倫真係唔同咗,所以希望五至十年之內,喺出面攞到一個最佳男配角獎,嘩!無得頂!獎項真係一個肯定嚟。」

立即下載 | 全新《星島頭條》APP https://bit.ly/3yLrgYZ

 

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad