白色強人II丨陳豪興奮拍劇幫到罕有病患病人 胡定欣夠期接種疫苗籲大家小心

2022-09-02 00:45

陳豪興奮拍劇幫到罕有病患病人   胡定欣夠期接種疫苗籲大家小心
陳豪興奮拍劇幫到罕有病患病人 胡定欣夠期接種疫苗籲大家小心

 

陳豪與胡定欣今晚出席《白色強人II》慰勞宴,對於劇集即將播映大結局,定欣表示非常不捨,陳豪則謂很高興劇集反應好及有迴響,覺得一切努力亦沒有白費。

陳豪開心劇集反應好。
陳豪開心劇集反應好。

對於《白色強人II》間接地幫助香港罕有病患病人,陳豪指難得劇集得到政府注意,繼而再得到正面支持可幫助這些病人,對他來說是非常開心:「難得電視劇都可以做到啲咁嘅嘢,可以幫助一小撮嘅人爭取到啲嘢返嚟,證明劇嘅意識都幾好。」問到是否有機會拍第三集?定欣笑説:「呢個要問監製,要有返咁齊人都唔容易。」相反陳豪就非常有信心會開拍,他說:「本身醫生嘅戲已經唔多,咁難得開咗第一集同第二集,第三集應該係指日可待。」定欣即笑指第三集應該要叫《咖啡強人》,皆因咖啡在劇中出鏡率應該不比演員少,引得陳豪哈哈大笑。

兩人chit chat好搞笑。
兩人chit chat好搞笑。


而定欣又謂若真的再開劇,可提及其他病患者,希望能幫助更多有需要的病人。提到《白色強人》可挑戰《妙手仁心》,陳豪指兩劇的題材不同,《白》內容較貼近現時狀況、醫生遇到的問題等,至於《妙》則是私下生活較多。提到有指唐詩詠將離巢,問到會否怕第三集不齊人,陳豪笑説:「可能第三集比今次再多人啲!」

對於近日疫情再度反復,曾確診的定欣指看到確診數字升得頗厲害,現在亦差不多時間要接種疫苗:「大家都要小心啦,要照顧好自己。」至於一向小心的陳豪則謂個人防避是不能缺少:「最緊要係喺經濟唔好封鎖之下進行呢啲嘢(防避),希望大家可以咬緊牙關捱住,而家數字係高咗啲,希望慢慢回落返去,希望所有嘢正常返。」另外,陳豪又透露三個仔女上星期已開學,問到他是否習慣,他表示感覺不錯,尤其是細女從幼兒班升上一年班,經過不斷學習後,希望她能進步多點。

定欣差不多夠期接種疫苗。
定欣差不多夠期接種疫苗。
陳豪透露三個仔女上周已開學。
陳豪透露三個仔女上周已開學。

 

立即下載|全新《星島頭條》APP:https://bit.ly/3yLrgYZ
 

 

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad