開學︱一文睇星爸媽開學日！關心妍差啲喊李亞男「鬼祟」偷睇超肉緊

2022-09-01 16:42

今日是開學日，不少星級家長出動接送子女迎接新學年，親身為孩子們打氣。關心妍（Jade）的寶貝女Jovia（心心）今年升讀小學，為陪伴她面對新環境，她與老公親身出動接送，更齊齊走入教室。Jade在社交網上載一家人合照，以及拖住女兒的相片，感受到既興奮又不捨，她寫道：「心心小一開學啦，話咁快就讀小學，你着住小學校服孭起書包嗰一刻我差啲喊出嚟。你要享受學習爸媽一定支持你！各位小朋友開學愉快！家長校長老師一齊加油啊。」

關心妍籲囡囡要享受學習，作為父母的二人一定會支持。

關心妍見囡囡着小學校服的一刻，差點喊出來。

黃祥興的囝囝Tristan升讀小學。

黃祥興為囝囝影好多相。

另外，黃祥興的二仔黃子晉（Tristan）同樣升讀小學，他則與太太Peggy及大女Paige三人齊送Tristan返學，十分溫馨。祥興在社交網上載一家四口相片，並寫道：「阿仔入小學啦，爸爸祝你一切順順利利，唔使停課，好好學習。」李亞男的四歲大女Gabby同日幼稚園開學，亞男與老公王祖藍親自送女兒返學，她在社交網貼出三人的相片留言：「First day of school」作紀念，李亞男之後仲企在校門外「鬼祟」偷睇。