白色強人II丨郭柏妍演被性侵驚恐症病人獲讚神似 感激網民高抬貴手
2022-09-02 00:30 
郭柏妍昨晚出席《白色強人II》慰勞宴，首次拍劇的她，於劇中演一名慘被的士司機性侵的驚恐症病人，被網民大讚自然和神似，她表示很多謝網民對她高抬貴手的評價：「其實好多謝監製、導演同埋服裝喺早期嘅時候，將我病人嘅感覺營造到畀大家睇，因為我自己仲係好新，啱啱入行有啲嘢唔係好識又唔係好明，所以都有請教導演同監製，佢哋都好好，畀好多意見我，令到我喺劇度一直咁進步。」
強姦戲印象難忘
郭柏妍亦感謝強姦她的對手，皆因那是她拍此劇的第一場戲：「自己都好深刻，因為嗰日比較凍，啲前輩同導演一路咁帶住我去做。」除此之外，她亦感謝劇中有那麼多視帝、視后坐陣，令到大家留意到此劇。
郭柏妍在劇中主動邀請陳豪看演唱會，可惜慘被對方請食檸檬，郭柏妍笑指在現實中也曾試過食檸檬：「以前中學嘅時候，打電話約男仔嗰陣被拒絕。（有冇試過表白被拒絕？）都有試過，因為我冇勇氣面對面講。（成日喺電話表白？）唔係呀，同一個人嚟㗎！」
立即下載｜全新《星島頭條》APP：https://bit.ly/3yLrgYZ
最新回應