獎門人丨馬國明自嘲組「白色蠢人」隊與唐詩詠胡定欣同樣轉數慢

2022-08-12 10:30

馬國明、陳豪、胡定欣、唐詩詠等昨晚（11日）代表「白色強人隊」錄影TVB遊戲節目《開心無敵獎門人》，胡定欣表示已忘記有沒有玩過《獎門人》，即使有都是十幾年前，笑言今日是來尋回回憶，又說已有心理準備將自己笨拙一面表露出來，她說：「我最怕玩辣辣壽司，唔係怕食壽司，而係怕被人見到自己反應慢，個腦轉唔切，身體同個腦不協調，我有睇豹哥（單立文）同黃智雯嗰一集，我喺弱方面應該比佢哋強，見到佢哋贏了咗好多獎品，皆大歡喜好開心。」

胡定欣食到成面粉，好陰公。

定欣話自己比豹哥同黃智雯仲要弱，手腳同個腦係唔協調。

馬國明和唐詩詠都指自己轉數慢，笑謂逃避了《獎門人》十幾年，更自嘲是「白色蠢人」，當中最強已是胡定欣，故選了定欣和郭晉安做隊長，問到最怕哪個環節？馬國明笑稱每個環節都怕，之前試玩時都玩到全錯，戲言到時避到就避，又希望獎老阮兆祥和錢嘉樂會幫他們。講到新劇，唐詩詠表示滿意成績，透露最新兩集會有轉捩點，笑言會全身好痛，要放棄一個愛的人好痛苦，又笑指他們玩遊戲時很蠢，劇集就會很痛。