獨家丨湯怡多得麥秋成做最強後盾 自家餅店不斷有新搞作

2022-07-20 07:30

湯怡近期仲要為電影開工,但攰得依然開心。
湯怡近期仲要為電影開工,但攰得依然開心。

湯怡去年5月投資6位數,在荃灣成立自家烘焙品牌「KAKAchevve實體店及網店,最近她再在金鐘開設Pop- up store,她除了親自落舖打點,「多功能」老公麥秋成亦傍到實,他們預告這只是開始,下月將在九龍區再開Pop- up store,又會推出月餅,湯怡謂能不停有新搞作,全靠有好老公撐住。採訪杜 攝影:朱偉彥

 

去年5月, 湯怡在荃灣成立自家烘焙品牌「KAKAchevve」實體店及網店。
去年5月, 湯怡在荃灣成立自家烘焙品牌「KAKAchevve」實體店及網店。

 

想開餅店多年的湯怡,感激有老公鼓勵才能夢想成真。
想開餅店多年的湯怡,感激有老公鼓勵才能夢想成真。

這天見湯怡和秋成都眼腫腫,他們承認為了Pop- up store冇覺瞓,湯怡說:「都籌備咗兩個月,真係冇得瞓,尤其是我先生,佢呢幾日淨係瞓得兩、三個鐘,因為好多設計同埋包裝上嘅嘢都係佢負責。」秋成就覺得餅店產品才是重點,所以其他事由他一手包辦,「最重要係啲麵包同蛋糕,要擺好多心機落去,所以其他嘢唔好要佢分神,做好個產品係最緊要。」他又搞笑謂有任何設計都不會自作主張,「做資料搜集,最尾都係問老闆意見先決定。」

湯怡和秋成夫婦檔上陣,相當合拍。
湯怡和秋成夫婦檔上陣,相當合拍。

 

湯怡見到客人排長籠來買自己出品,愈做愈精神。
湯怡見到客人排長籠來買自己出品,愈做愈精神。

 

有意引入投資者

見湯怡被客人圍住即時變得生猛,她認同這份滿足感就是辛苦工作的動力,而她有時間一定親自看舖,這也是她跟老公的經營之道,「做咩都要親力親為,唔係擺嚿錢出嚟就坐喺度,唔知發生緊咩事,成件事你落手落腳做,無論係做餅或者賣餅都好,都可以了解多啲客人需要。」秋成再補充,「同埋都要知道員工會遇到啲咩問題。」

出品有麵包、蛋糕及曲奇,但都好畀人掃清,要不斷補貨。
出品有麵包、蛋糕及曲奇,但都好畀人掃清,要不斷補貨。

 

餅店剛宣佈推出手工曲奇月餅,睇嚟他們又有排忙。
餅店剛宣佈推出手工曲奇月餅,睇嚟他們又有排忙。

兩夫妻又透露,餅店還會有很多新計劃,除了下月會在九龍區開Pop up store外,更會首次推出月餅。湯怡說:「第一次做月餅,口味都會做啲適合大眾嘅,之後再試啲新嘢,而我哋啲月餅全部人手做,唔會用機做。」問到餅店會否再開實體店,湯怡即笑指問她的財政司即秋成,而秋成認為有可能,更不排除會引入其他投資者,「有時唔淨止資金,隨住個投資者都會帶埋知識嚟,咁樣都係一件好事。」講到老公在餅店職位多多,秋成笑稱自己只是工人,但湯怡即賣口乖再讚老公,「生意我一次做,佢又開咗跳舞學校,一定有經驗,好多嘢我都係請教佢。」

就算點忙麥氏伉儷都會分工合作,照顧1歲囡囡麥QQ。
就算點忙麥氏伉儷都會分工合作,照顧1歲囡囡麥QQ。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP https://bit.ly/3yLrgYZ

 

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad