独家丨汤怡多得麦秋成做最强后盾自家饼店不断有新搞作

2022-07-20 07:30

汤怡去年5月投资6位数，在荃湾成立自家烘焙品牌「KAKAchevve」实体店及网店，最近她再在金钟开设Pop- up store，她除了亲自落铺打点，「多功能」老公麦秋成亦傍到实，他们预告这只是开始，下月将在九龙区再开Pop- up store，又会推出月饼，汤怡谓能不停有新搞作，全靠有好老公撑住。采访：杜杜摄影：朱伟彦

去年5月，汤怡在荃湾成立自家烘焙品牌「KAKAchevve」实体店及网店。

想开饼店多年的汤怡，感激有老公鼓励才能梦想成真。

这天见汤怡和秋成都眼肿肿，他们承认为了Pop- up store冇觉瞓，汤怡说：「都筹备咗两个月，真系冇得瞓，尤其是我先生，佢呢几日净系瞓得两、三个钟，因为好多设计同埋包装上嘅嘢都系佢负责。」秋成就觉得饼店产品才是重点，所以其他事由他一手包办，「最重要系啲面包同蛋糕，要摆好多心机落去，所以其他嘢唔好要佢分神，做好个产品系最紧要。」他又搞笑谓有任何设计都不会自作主张，「做资料搜集，最尾都系问老板意见先决定。」

汤怡和秋成夫妇档上阵，相当合拍。

汤怡见到客人排长笼来买自己出品，愈做愈精神。

有意引入投资者

见汤怡被客人围住即时变得生猛，她认同这份满足感就是辛苦工作的动力，而她有时间一定亲自看铺，这也是她跟老公的经营之道，「做咩都要亲力亲为，唔系摆嚿钱出嚟就坐喺度，唔知发生紧咩事，成件事你落手落脚做，无论系做饼或者卖饼都好，都可以了解多啲客人需要。」秋成再补充，「同埋都要知道员工会遇到啲咩问题。」

出品有面包、蛋糕及曲奇，但都好畀人扫清，要不断补货。

饼店刚宣布推出手工曲奇月饼，睇嚟他们又有排忙。

两夫妻又透露，饼店还会有很多新计划，除了下月会在九龙区开Pop up store外，更会首次推出月饼。汤怡说：「第一次做月饼，口味都会做啲适合大众嘅，之后再试啲新嘢，而我哋啲月饼全部人手做，唔会用机做。」问到饼店会否再开实体店，汤怡即笑指问她的财政司即秋成，而秋成认为有可能，更不排除会引入其他投资者，「有时唔净止资金，随住个投资者都会带埋知识嚟，咁样都系一件好事。」讲到老公在饼店职位多多，秋成笑称自己只是工人，但汤怡即卖口乖再赞老公，「生意我一次做，佢又开咗跳舞学校，一定有经验，好多嘢我都系请教佢。」