豬肉威拍廣告終於肯除罩 網民瘋笑死都唔見牙:成個50歲大叔

2022-07-19 15:00

威威之前話疫情嚴重所以唔除罩,而家冇晒事嘞睇嚟。
威威之前話疫情嚴重所以唔除罩,而家冇晒事嘞睇嚟。

 

 

 

荃灣街市豬肉檔「肉類分割員」威威(劉宋威)因為戴咗口罩好靚仔而爆紅, 日日成堆女人圍住檔口求合照,更有Fans開Page 「荃灣鮮肉威威應援團」支持,仲搞粉絲見面會同佢過生日,不知幾威水。

不過,今年35歲的威威以前應該得罪唔少人,「有心人」開設「除罩威威留餸區」專頁狂揭佢黑歷史,近18000成員日日等睇威威陳年爆笑肉照上架,晚晚不知幾熱鬧。雖然負面嘢纏身,但好一個威威,你有你爆,佢有佢繼續做運動發放超強正能量,仲有廣告拍添。

 

上個月,威威舉行生日粉絲見面會,吸引數百粉絲到場。
上個月,威威舉行生日粉絲見面會,吸引數百粉絲到場。

 

威威陳年舊照不斷出土。
威威陳年舊照不斷出土。

 

為證明自己冇吸毒仲去驗毒添,但得個驗字,隔咗唔知幾多個六日都未有報告。
為證明自己冇吸毒仲去驗毒添,但得個驗字,隔咗唔知幾多個六日都未有報告。

 

日前,威威專頁出Po表示好緊張:「人生第一個電視廣告今晚首播,希望大家支持!」廣告將於今晚8點半喺TVB及7點42分喺ViuTV播出,但下午已有30秒預告曝光,背景係威威個豬肉檔,有班女人拎住電話狂影威威,班囡囡有對白㗎:「威威對眼好Charm呀。」、「威威手臂好大隻呀。」配合畫面當然見到威威冧死女嘅雙眼,同一對久經訓練嘅壯臂。

然後威威除罩真身終於曝光,佢示範食健康產品,再叉腰顯示自己身體有幾強壯,不過留意返,預告個YouTube唔知點解關咗留言功能,唔知係咪怕負評太多呢?

 

班囡囡學得好似威威豬呀。
班囡囡學得好似威威豬呀。

 

嘩,好近。
嘩,好近。

 

係大隻嘅。
係大隻嘅。

 

終於見到威威真身。
終於見到威威真身。

 

側面其實都正常嘅。
側面其實都正常嘅。
千呼萬喚,不過可能燈光影響髮色,真係好Uncle。
千呼萬喚,不過可能燈光影響髮色,真係好Uncle。

 

威威豬可唔可以講兩句?
威威豬可唔可以講兩句?

 

佢都係戴返口罩啦。
佢都係戴返口罩啦。

 

Feel到佢唞唔到氣。
Feel到佢唞唔到氣。

 

預告關閉咗留言功能。
預告關閉咗留言功能。

 

預告一出網上即瘋傳,但笑佢嘅佔大多數,留言相當抵死又爆笑:「個樣睇落成個4、50歲嘅阿叔咁」、「死都唔開口」、「閉氣閉到窒息喇」、「眼耳口鼻全部都硬過佢把豬肉刀」、「賣廣告賣到殺父仇人咁,個客都幾忍得佢」等,實在太多不能盡錄,希望威威見到唔好唔開心啦。

再睇返「荃灣鮮肉威威應援團」,唔知Fans係咪嚇親,有「威威豬」PO咗威威真身出嚟,上載兩個鐘都係得200個Like,仲要留笑笑嘅佔大多數,留言得42個,同以往爭好遠。
 

網民留言勁好笑。
網民留言勁好笑。

 

好多網民好關心威威棚牙。
好多網民好關心威威棚牙。

 

DU仔出處係威威教煮餸時講薯仔講到好似DU仔。
DU仔出處係威威教煮餸時講薯仔講到好似DU仔。

 

呢個睇得好透。
呢個睇得好透。

 

哈。
哈。

 

威威豬都係咁支持威威,好感動。
威威豬都係咁支持威威,好感動。

 

唔知威威豬係咪嚇親,Like數同留言比之前少咗好多。
唔知威威豬係咪嚇親,Like數同留言比之前少咗好多。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP :  https://bit.ly/3yLrgYZ

 

 

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad