獨家丨錢嘉樂單手插袋行街好有型 唔使北上香港大把嘢撈

香港有好多藝人返內地發展，因為內地市場大，娛樂事業好多元化，你諗到嘅都有。不過錢嘉樂唔使返內地都好多路數，上新聞搜尋網打佢個名，呢半年佢已經又做主持又做電影動作導演，樣樣都係主力幾忙都有。日前晚上，見到錢嘉樂現身銅鑼灣利園附近睇衫，見佢單手插袋喺舖頭行咗一個圈，使唔使咁型先?採訪:娛樂組

錢嘉樂工作範圍都幾廣，做過港姐司儀，之前又做過《講你都唔信》主持，加上進行中嘅《開心無敵獎門人》，及最新為本周日舉行的《金像奬》任頒獎嘉賓，風格可嚴肅可搞笑，難怪咁搶手。家陣佢忙於為劉德華監製，林家棟及彭于晏主演嘅懸疑犯罪動作新片《潛行》做動作導演，因為趕住下年上映，所以拍攝得如火如荼。

之前主持《講你都唔信》，曾志偉做嘉賓。

新一輯《開心無敵獎門人》。

新鮮熱辣為《金像獎》任頒獎嘉賓。

56歲完全唔似阿叔
當日夜晚7點，着住黑衫黑褲加黑色口罩的錢嘉樂現身銅鑼灣利園附近，見佢直入一間運動用品舖，一路行一路望，睇啱就揭吓啲衫，又摸吓啲波鞋，見佢揭嘅衫都係黑色，波鞋就白色，睇得出佢嘅衣著品味都幾單一，白同黑永遠都咁襟興。

揀嘅都係黑色衫。

波鞋就鍾情白色。

聚精會神睇波鞋。

隨意行完一個圈就離開，但錢嘉樂好得意，佢唔會放過任何吸收資訊嘅機會，即係點?路經門口有個電視播緊該店嘅品牌廣告，佢邊行住嚟望，留意返佢仲要係單手插袋加慢步速，有型喎。上維基望吓，原來佢今年已經50有6，唔似，真係唔似。

廣告都唔放過。

你睇佢單手插袋幾有型。

完全唔似56歲。

行完街就揸車走。

錢嘉樂一家四口。

星島新聞集團慶回歸25周年專題網站，請即瀏覽

立即下載 | 全新《星島頭條》APP :  https://bit.ly/3yLrgYZ