周汶錡教仔學行戴頭盔被老公鬧爆 麥秋成體驗「陣痛」酷刑

2022-05-25 00:30

周汶錡自爆教仔學行路要戴頭盔,老公睇唔過眼鬧爆。
周汶錡自爆教仔學行路要戴頭盔,老公睇唔過眼鬧爆。

周汶錡(Kathy)、鄭衍峰及麥秋成前晚(23日)擔任《日日媽媽聲》嘉賓,與法籍老公育有兩子的Kathy分享中外育兒大法,自認傳統的Kathy原來是緊張大師,自爆曾在仔仔學行路時為他戴上頭盔,令老公也看不過眼,Kathy說:「老公即時拎走個頭盔唔畀再戴,佢話如果你唔畀佢撞吓,(佢)就唔知咩係痛,之後我就叮一聲醒咗!」Kathy透露兩子性格大不同,大仔像她一樣比較保守,細仔則遺傳了老公法國人的浪漫基因,她說:「細仔好熱情,係人都錫,每晚要錫一啖嘴仔先瞓覺,真係好sweet,我有時會驚佢大個咁樣識女朋友唔得㗎喎!」

 

周汶錡自認係傳統媽媽,仲自爆對仔仔過份保護,因而被老公鬧爆。
周汶錡自認係傳統媽媽,仲自爆對仔仔過份保護,因而被老公鬧爆。
兩個混血仔仔好靚仔。
兩個混血仔仔好靚仔。

 

媽媽做頭部手術 鄭衍峰自責:應該陪媽咪多啲

另一嘉賓鄭衍峰,則與身在加拿大的媽媽隔空對話。入行差不多6年的衍峰,透露入行初期並不如意,因而積壓不少壓力,並於加拿大探望父母期間情緒大爆發,他說:「嗰次因為工作問題同爹哋媽咪有啲拗撬,之後我發好大脾氣同掟嘢,仲崩潰到喊咗出嚟。」鄭媽媽傾聽兒子訴說往事時,忍不住眼泛淚光,衍峰亦趁機就相關事件向家人道歉,場面感人。

衍峰又提及鄭媽媽於2020年曾接受頭部手術,當時衍峰已即時請假回加拿大陪媽咪,但衍峰依然自責自己做得不夠好,他說:「我見到媽咪醒番冇事先返香港,但照顧唔到佢成個康復期,作為獨子我覺得自己可以做更多嘢,嗰刻應該要陪媽咪多啲。」至於新手爸爸麥秋成,則按製作組安排體驗「陣痛」酷刑,痛到七情上面的秋成,竟不忘以愛的宣言向太太湯怡暗示想追多個小朋友,秋成說:「老婆你生第二胎時,我覺得要陪你多啲,因為真係好辛苦!」
 

鄭衍峰同鄭媽媽隔空細訴往事,鄭媽媽仲畀阿仔搞到眼濕濕。
鄭衍峰同鄭媽媽隔空細訴往事,鄭媽媽仲畀阿仔搞到眼濕濕。
麥秋成體驗生B陣痛,七情上面。
麥秋成體驗生B陣痛,七情上面。
三位主持人羅敏莊(左起)、余安安、陳凱琳
三位主持人羅敏莊(左起)、余安安、陳凱琳

 

更多最新疫情資訊,請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad