湯怡晒髪線上移相　自爆產後半年狂甩髮嚇親自己

2022-04-11 09:30

34歲索人妻兼索媽湯怡婚前係唔少男士心中嘅「女神」，與排舞師麥秋成婚後即誕下可愛囡囡「麥QQ」，由「女神」升呢人妻及人母原來有好大犧牲，她更自爆產後半年狂甩髮，仲大方大晒髪線向上移相，以個人經驗安撫生完BB嘅媽媽粉絲，叫佢哋唔使太擔心。

湯怡晒髪線向上移相。

湯怡頭頂位置開始生返好多毛毛。

湯怡變身人母犧牲好大。

湯怡閒時愛喺Instagram玩「你問我答」，同網友互動分享湊B心得，為媽媽粉絲解答各種生產、湊B問題，甚至變成解問愛情信箱。有網民表示被產後脫髮問題困擾，問道：「甩得好恐怖，點算好？」湯怡即解答疑難，並且大方晒出髮線上移照片，自爆她產後半年開始出現甩髮問題來安撫對方，更分享個人心得：「產後脫髮呢個事實好似真係改變唔到，只係睇下有無產品可以幫助甩少啲，我係產後半年先甩（髮），之前一洗頭都嚇親自己，成個髮隔都係頭髮，日日如是，諗緊仲有幾多頭髮要甩，不過生返出嚟喇，之前勁多天線，而家生到好似無啦啦短咗一忽咁，過多一兩個月就融為一體，所以你唔使驚呀，係時間㗎咋。」