導師鬧喊女童｜臨牀心理學家質疑治療方法無效：我哋受過訓練唔係屋企鬧仔

近日一段懷疑涉及女行為治療師喝罵幼童的短片在網上熱傳，註冊臨牀心理學家、言語治療師朱嘉麗向本網表示，看過片段後感到憤怒，認為片段中女導師的方法「完全唔啱、錯、冇效用」，亦質疑當事人「將自己的情緒擺咗落去」。

片段中女導師要求女童立正：「企好，我講咗唔好挨牆，講咗唔拍牆，講咗唔搖，講咗唔整條裙啦，唔玩！」朱嘉麗認為若小童語言發展遲緩，未必會明白，「唔准咁，咁即係我可以點？」她認為導師應用正面的指示：「你坐底」、「你隻手擺好」。

她又指，一般在教導有特殊需要學生時，會用玩具、遊戲、圖卡幫助小童理解，但她發現片段中的房間空空如也：「成間房冇嘢，你用咩教佢？」至於片段中的女導師捉住女童雙手，並要求她深呼吸，朱嘉麗指「呼吸法」適用於成人、小學或以上的學童，有助減輕個案的緊張焦慮情緒，改善口吃，惟對兩、三歲的兒童則未必適合。

女童受驚或積累負面情緒

朱嘉麗表示，理解片段中的導師是想教好女童，「但作為專業的同事，受過訓練，我哋唔係屋企鬧仔」，而當事人的語氣嚴厲，會令女童受驚，「情緒受咁大困擾，點樣在高壓情況下去學習？」她更擔心女童所承受的負面情緒會在其他場合發洩。

朱嘉麗指行為治療師的定義很闊，認受性不一，建議家長要小心選擇，可向相關的中心索取其導師的學歷證明，多了解導師背景。家長在小童接受訓練初期亦可一同上堂，了解子女進度，並學習相關的訓練技巧。

 

立即下載｜全新《星島頭條》APP：https://bit.ly/3yLrgYZ