MC將跟Lucy相見兼合作 準備小禮物𠱁小狂迷

張天賦（MC）和樂隊Dear Jane 昨晚（23日）一起到九展，為今晚舉行的《CHILL CLUB Keep Going 》演唱會綵排。李璨琛女兒李元元（Lucy）公開自認迷戀MC，MC開心指Lucy應是他最年幼的粉絲，知否Lucy迷戀他那方面？MC笑稱之前他曾跟朋友談論過這問題，但也不知Lucy鍾意自己那方面：「可能鍾意我唱嘅歌，我睇過一段片係佢對住工人姐姐唱我嘅歌。我都有追蹤佢個社交網，仲有留言。」會否擔心身為爸爸的李璨琛因呷醋而對自己有敵意？MC笑謂：「應該唔會！」

 

眾所周知Lucy好迷戀MC。

 

人哋阿爸唔知真係有冇呷醋？

 

MC咁輕佻唔知係咪講緊Lucy鍾意自己啲咩？

 

雖然至今MC仍未見過Lucy，但他透露稍後與Lucy有合作，但暫時未能透露有關詳情。怕不怕與孩子合作難控制？MC說：「唔會，我好鍾意小朋友，而且佢鍾意我應該會聽話。我也會預先買定小禮物準備到時送畀佢，事前會溝通一下，了解佢鍾意啲咩。」 

 

Lucy見到MC真人時會有咩表現？

 

MC表示會準備小禮物送給Lucy作見面禮。

 

更多最新疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ