Ian戴罩演繹星爺《回魂夜》連串生日應援頭炮沙灘執垃圾

2022-05-23 18:00

MIRROR成員陳卓賢（Ian）在社交平台出Post，相中他穿黑衫黑褲戴黑Cap帽，還手捧一盆植物，再附加一張周星馳經典作《回魂夜》劇照，並留言：「祝Lily快高長大。」比較下他扮星爺好神似。歌迷Hellosss來不及反應，好兄弟江𤒹生（Anson Kong，　AK）已秒回留言：「熄咗佢」，Hellosss忍唔住問：「有無咁快呀？」而AK這句「熄咗佢」，其實是《回魂夜》的對白，場戲講星爺在屋村保安室時，用盆有感應鬼魂功能的百合花Lily作感應，期間飾演保安的李力持播放恐怖音樂，被星爺喝令「熄咗佢」。

《回魂夜》係星爺1995年嘅作品，當時Ian都係得2歲。

真經典，大家覺得Ian扮得似唔似呢？

「Lily」都識，Ian真係有睇過。

另外，下月9日是Ian 29歲生日，他的歌迷Hellosss準備一連串生日應援，其中一項活動是組織義工團隊做慈善，香港Hellosss發起清潔沙灘及捐款活動，非常有意義。今日有200多位Hellosss抵達石排灣後，兵分多路清潔沙灘，先後清走398個水樽及重802.27公斤、共65包垃圾，籌得善款捐給協辦單位支持保育海洋。義工團於5月成立，今次清潔沙灘是首個活動，下月4日會在大埔、屯門、荃灣和將軍澳舉行「SAA x Hellosss同伴保護遺棄動物賣旗日」。至於美國、英國、加拿大、馬來西亞及澳門等地的歌迷會都會發起不同慈善活動。