乘風破浪3丨胡杏兒大仔等阿媽Facetime 呻爆:等咗你好耐

2022-05-23 23:30
Brendan真係好識冧阿媽。
Brendan真係好識冧阿媽。

胡杏兒近年積極參與內地真人騷,演得、唱得又有綜藝感,好受內地網民歡迎。近日她連同Twins及薛凱琪等人拍攝《乘風破浪3》,之前陀住細仔參加《演員請就位》第二季大獲好評,給人為母則強的感覺,加上在《乘》中與其他姐姐主動聊天,見前少女時代成員Jessica(鄭秀妍)唔識中文都主動做英文翻譯,亦獲內地網民大讚性格好。

 

胡杏兒近日連同Twins及薛凱琪等人拍攝《乘風破浪3》。
胡杏兒近日連同Twins及薛凱琪等人拍攝《乘風破浪3》。

 

《乘》昨日(22日)將花絮上載YouTube,錄影咗成日,胡杏兒同Twins、王心凌一返到宿舍就即開餐。身為三子之母的杏兒,出遠門工作都不忘要同兒子們Facetime,4歲大仔李奕霆(Brendan)一見到媽媽就呻:「我等咗你好耐啦!」看來是捱眼瞓等同媽媽Facetime,真係陰公豬嘞!王心凌同阿Sa(蔡卓妍)聽到Brendan撒嬌,除咗戥Brendan慘仲覺得佢好可愛,杏兒聽到Brendan投訴都好心痛:「等我好耐呀?Sorry!」於是介紹Twins同王心凌畀Brendan識,「我介紹啲好靚嘅姐姐畀你識。」不過Brendan似乎興趣不大,睇嚟佢只係想見到媽媽咋!不過都好畀面阿媽,同晒啲姐姐打招呼,杏兒都鬆口氣:「算你啦,冇丟我架!」而2歲二仔李奕霖(Ryan)都大叫「媽媽」,睇嚟真係好掛住阿媽。

 

一返到宿舍就要同三個仔Facetime。
一返到宿舍就要同三個仔Facetime。

 

阿Sa同王心凌見到杏兒同囝囝Facetime都一臉羨慕。
阿Sa同王心凌見到杏兒同囝囝Facetime都一臉羨慕。

 

王心凌都覺得Brendan好可愛。
王心凌都覺得Brendan好可愛。

 

杏兒介紹Brendan識3位靚姐姐。
杏兒介紹Brendan識3位靚姐姐。

 

Brendan有禮貌向阿Sa打招呼。
Brendan有禮貌向阿Sa打招呼。

 

介紹埋王心凌同阿嬌。
介紹埋王心凌同阿嬌。

 

Brendan更跟媽媽分享日常事,講到收線仲好唔捨得,「我好想你返嚟!我好想見你。」杏兒都笑說:「你真係識講嘢!呢啲台詞你冇漏到呀你!」阿Sa聽見都笑埋一份,杏兒同Brendan最後才依依不捨地說Bye Bye。

 

傾到唔捨得收線。
傾到唔捨得收線。

 

Brendan狂撒嬌話想媽媽返屋企。
Brendan狂撒嬌話想媽媽返屋企。

 

胡杏兒與老公李乘德育有三子。
胡杏兒與老公李乘德育有三子。

 

 

更多最新疫情資訊,請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ 

關鍵字

最新回應

關鍵字

相關新聞

熱門文章