盧覓雪討厭身形被標籤無必要叫張天賦Tyson Yoshi選「矮男神」

2022-05-15 15:30

盧覓雪討厭身形被標籤，覺得無必要叫張天賦同Tyson Yoshi去選「矮男神」。

盧覓雪今日在灣仔出席「認識生蛇及早預防」記者會，她提到去年準備棟篤笑時發現生蛇，幸好及早發現就醫，很快便康復，但因有機會復發，故之後都會去打蛇針預防。問如何減壓？盧覓雪表示很難百分百控制情緒，盡量令自己開心，雖然抗疫期間少了娛樂會影響心情，唯有留在家睇書和聽古典音樂。

盧覓雪去年為準備棟篤笑時發現生蛇。

即使被讚肥妹中算靚女，雪雪就覺得難聽過粗口。

盧覓雪日前和林海峰主持電台節目時，因林海峰大讚ViuTv節目《肥美人》好睇而焫㷫盧覓雪，二人在節目中唇槍舌劍，令聽眾擔心兩人會鬧翻，盧覓雪強調無事，大家默契很好：「冇大家諗到咁大反應，係節目效果先誇張啲。（林海峰以後不敢在你面前提肥美人？）我唔認為佢會再提，呢個係開放式節目，3個主持有唔同嘅想法，有時意見一致，有時會有分歧，好自由，冇夾過，我哋無反檯，冇事。」又說自己只是對《肥美人》的題材發表意見，直言認為節目涉及歧視，盧覓雪謂：「高矮肥瘦都是身體特徵，無必要刻意標籤出來，正如有人叫張天賦同Tyson Yoshi去選矮男神就係標籤化佢哋，最重要係佢哋唱歌好聽，唔使理會外界點睇，又好似經常有人話我喺肥妹之中嘅靚女，真喺難聽過粗口。」