獨家丨喬寶寶冇得去大馬搵外快 英國疫情升溫林子博習以為常

2022-01-06 22:15
喬寶寶受疫情影響冇得去大馬搵外快,林子博反而舉家周圍玩。
喬寶寶受疫情影響冇得去大馬搵外快,林子博反而舉家周圍玩。

本港已進入第5波疫情,而喺英國,單日新增病例突破21萬,居於蘇格蘭嘅喬寶寶按專家意見,全家已補打第3針,原先寶寶諗住趁疫情緩和時去大馬搵吓外快,𠵱家因為好多國家禁止由英國入境人士,賺錢被逼煞停;至於喺曼城嘅林子博反而冇初嚟報到時咁驚青,仲趁聖誕新年長假帶子女去玩。採訪:方騫平 

疫情下喬寶寶賀妹妹個細仔牛一,只能搞小型派對。
疫情下喬寶寶賀妹妹個細仔牛一,只能搞小型派對。

 

子博平日同子女去做運動消閒。
子博平日同子女去做運動消閒。

 

經常追住疫情走嘅喬寶寶見慣「大場面」,所以輕鬆面對英國Omicron迅速蔓延,選擇同病毒共存!他淡淡然說:「變種病毒Omicron感染力強,但殺傷力低,相比之前嘅病毒,蘇格蘭入院人數係少咗,不過,專家話以𠵱家咁嘅走勢,預測未來接近一半嘅人容易感染到,倫敦成為重災區,其次係伯明翰及曼城,因為18歲至30歲嘅年輕人唔鍾意戴口罩,蘇格蘭啲人會乖啲。」 

喬寶寶、喬嫂嫂出入如臨大敵做好防疫。
喬寶寶、喬嫂嫂出入如臨大敵做好防疫。

 

子博一家三口趁長假去咗伯明翰。
子博一家三口趁長假去咗伯明翰。

寶寶最擔心家中老弱

喬寶寶家中有老有嫰,最擔心80歲嘅媽媽,同埋多病痛嘅細仔,又怕孫仔BB容易受感染。他無奈道:「見步行步囉,出唔到去做嘢,等疫情好啲去吓旅行囉,𠵱家以家庭樂為主。」至於林子博喺英國生活咗半年,見到冇乜人戴口罩經已習以為常:「佢哋自律性唔夠,又祟尚自由。不過,𠵱家有啲商場會自行叫市民強制性戴口罩,所以發現多咗人戴口罩,反而冇以前咁擔心,其實都擔心唔到咁多,只能做好自己。」首次喺英國過聖誕節,子博同仔女去咗伯明翰、利物浦、黑池。另外,既然有咁多人關注英國疫情,他有意拉埋朋友拍片做街訪,了解吓當地人對疫情睇法及心態。
 

喬寶寶個孫仔超得意,難怪𠵱家以家庭為重。
喬寶寶個孫仔超得意,難怪𠵱家以家庭為重。
子博又去咗利物浦,見四圍無人先敢除口罩打卡。
子博又去咗利物浦,見四圍無人先敢除口罩打卡。

 

踏入新嘅一年,寶寶即錫啖媽咪。
踏入新嘅一年,寶寶即錫啖媽咪。

 

子博一家人同朋友喺英國食盆菜過節。
子博一家人同朋友喺英國食盆菜過節。

 立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章