林子博在英確診新冠肺炎稱已打疫苗 連續3日發燒至39度

2022-01-10 16:00
林子博確診新冠肺炎,佢估計自己中咗變種病毒Omicron。
林子博確診新冠肺炎,佢估計自己中咗變種病毒Omicron。

已移民英國曼城的林子博,今日於YouTube頻道上傳新片及於facebook公佈自己確診新冠肺炎,而他認為病情不算嚴重,相信可能是染上變種病毒Omicron。林子博於facebook上載快速測試結果及探熱發燒至39度的照片,並表示:「中咗!冇咳、冇鼻水、冇喉嚨痛、有味覺、唞氣正常。連續三日燒到39(度)、發冷同周身骨痛!」不少網民都留言祝他早日康復,同時關心與他同住的子女健康。

子博今日在facebook公佈確診消息。
子博今日在facebook公佈確診消息。

 

同日林子博於YouTube頻道上傳新片講述染疫詳情,他稱近日並冇周圍去,唔知點解會中招,這幾天突然感到唔舒服,第一時間都有叫子女在家亦需戴上口罩。林子博表示:「呢幾日我Keep住發燒,燒到39度,連續3日都係,Keep住發冷。即係當我食咗藥,我可以頂到6個鐘,6個鐘之後我又會發冷。」另外亦有少少頭痛、流鼻水、咳嗽,而發燒情況今日有好轉,更即場探熱,結果為37.5度。

林子博去年8月帶同兩名子女移民英國。
林子博去年8月帶同兩名子女移民英國。

 

子博呢幾日都有發燒情況。
子博呢幾日都有發燒情況。

 

林子博做咗快速測試發現中招,但因為病情暫時唔嚴重,估計係染上Omicron。
林子博做咗快速測試發現中招,但因為病情暫時唔嚴重,估計係染上Omicron。

 

即場探熱溫度為37.5度,發燒情況有好轉。
即場探熱溫度為37.5度,發燒情況有好轉。

 

現時他採取自我隔離方式,並通知英國的國民保健署,雖然唔使好似香港咁強制到政府安排的地方隔離,可方便他照顧兩名子女。但林子博坦言:「某程度上我都係擔心佢哋會中招,嚟緊佢哋會唔會發病真係唔知,希望唔會啦!」他稱家中有兩間房,現在自己睡一間房自我隔離。

子博現時正在家自我隔離,雖然方便照顧子女,但都怕傳染到佢哋。
子博現時正在家自我隔離,雖然方便照顧子女,但都怕傳染到佢哋。

 

而林子博亦因為中招,於是回想這十幾天到過甚麼地方及見過甚麼人,他亦有致電見過面的友人詢問對方身體狀況,而除夕見的朋友都未有確診。他稱:「我除夕後冇乜點出去,我冇同朋友開Party、冇聚會。我只係車細路返學放學、去超市買嘢、去入油……呢啲我全程都有戴口罩,除咗揸車冇戴口罩,我撳底車窗同落車都有戴口罩。」他懷疑最有機會在超市被傳染,稱可能產品包裝有病毒,亦有可能是子女在學校群體因聚集而被傳染,因為子女放學上他的車時,他沒有戴上口罩。不過林子博亦大讚兒子醒目,上學第一日發現全班只有他一人戴口罩,於是提出一家應接種疫苗,而全家亦聽從兒子的意願一同接種疫苗,而兒子亦沒有在學校用餐,減輕受感染風險。林子博稱聽聞Omicron在小孩身上病徵不明顯,而子女暫時未有受感染病徵,還需繼續觀察。

林子博透露早前已接種新冠疫苗。
林子博透露早前已接種新冠疫苗。

 

好多網民都祝林子博早日康復。
好多網民都祝林子博早日康復。

 

 

 

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章