余文樂陪子女睇鹿欠防疫意識口罩只戴一半疑屬違規

2022-04-09 17:00

余文樂早前推出首個自家NFT項目「ZombieClub Token」大賣，忙完一輪，終於可以騰出更多時間陪伴家人。已移居台灣的余文樂，上月揸800萬名車接囝囝Cody放學，近日又同老婆王棠云帶埋一對子女去睇鹿，余文樂一手抱晒兩個小朋友，個樣超開心，盡顯父愛。

余文樂個口罩戴咗等於冇戴，見晒樣。

一家人合照，余文樂個口罩都係露出個鼻。

余文樂雙手抱晒兩個小朋友，大家都好開心。

不過，余文樂的防疫意識似乎麻麻，日前他在社交網上載與子女的三張合照，均露出鼻子沒有將口罩戴好，其中兩張更連口都露埋；反觀小朋友和老婆都戴得好標準。近日台灣的新冠確診數字亦有上升趨勢，昨（8日）新增507宗確診，384宗為本土個案創今年新高；當局亦強化特定娛樂場所防疫，包括唱歌時須戴口罩，另喜宴不可逐桌敬酒，外出應全程佩戴口罩；余文樂刻意拉低口罩，戴一半唔戴一半，明顯屬違規。