馬米高拍片教Brother簡稱「寫法」 笑余文樂唔知跟邊個鄉下用法

余文樂日前於IG限時動態將「Bro」打成「Bra」，成為網民嘲笑對象。由於他已不是首次於IG串錯字，因此此Po一出再成為網民熱話。平時拍片教開英文嘅YouTuber馬米高都收到網民Cap圖笑埋一份。不過余文樂今日都在IG限時動態分享英文字典中，「Bra」嘅用法，隔空教大家英文！指「Brah」這個字的意思是指好哥們之間的稱呼，而這個字亦可簡寫為「Bra」，例如「Hey, brah！」亦可解作「喂，兄弟！」

 

余文樂日前於IG將「Bro」打成「Bra」，被質疑串錯字。

 

余文樂今日出Po為自己平反，兼教大家英文。

 

而馬米高睇見都拍片教返余文樂轉頭，希望他學識「Bra」喺口講同寫嘅分別，「『Brah』通常係講出嚟嘅啫，即係將『Brother』Cut開一半，但如果寫Brother嘅時候，會唔會寫成『Bra』呢？嗱！英文呢家嘢好多鄉下都用緊，我就唔知邊個鄉下寫『Bra』代表『Brother』，我寫就一定用『Bro』。」又稱都係打3個字母，唔想畀人有機會誤會他說「胸圍」:「講到最尾都係想懶型咋嘛！Am I right bra?」成條片都以「阿Bra」來稱呼余文樂，睇嚟繼「Fisherman Lok」後，樂仔又多個花名嘞！

 

平時教開英文嘅YouTuber馬米高日前都有出Po笑樂仔。

 

今日再出Po教大家「Brother」簡稱的寫法。

 

仲拍埋片添！

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ