獨家丨森美落街市買餸打邊爐食完先減 「抗疫肥」兩年發福16磅

2022-04-09 07:00

森美落街市買餸打邊爐食完先減。
森美落街市買餸打邊爐食完先減。

第5波疫情雖然回落,但每日仍然有數千確診。紅到去日本嘅「金牌司儀」森美從瞓「柴房」自我隔離、被迫停工、「盲搶炎」等疫情生態中對人生有所領悟,他有感而發說:「人生有得必有失嘅,疫情下係搵錢少咗,生活受到規範咗,但同家人之間連繫係多咗嘅,所以疫情完咗都要警剔住自己,唔好只顧搵錢同做嘢,要多啲同屋企人相處。」採訪:方騫平 攝影:沈健程

森美落街市買餸打邊爐,順道了解民生。
森美落街市買餸打邊爐,順道了解民生。
同豆腐檔店員吹吓水。
同豆腐檔店員吹吓水。

森美最難忘第五波爆發期間要隔離再隔離,因為先後接觸過兩個確診同事,為保護家人要匿喺屋企「柴房」自我隔離兩次,連第一個中招嘅接觸者劉翁完全康復,他仍然要閉關。另一難忘片段,就係網上瘋傳將「全城禁足7日」,消息一出,市民即四出入貨儲糧,市面上出現「盲搶炎」。

抗疫下自我隔離保護家人。
抗疫下自我隔離保護家人。
之前森美share朋友喺超市影到嘅「盲搶炎」畫面。
之前森美share朋友喺超市影到嘅「盲搶炎」畫面。

落區買餸大受歡迎

日前,戴上兩個口罩嘅森美揸住買餸戰車落九龍城買火鍋配料,順道了解民生。他先到相熟嘅牛肉及豆腐店,最後轉戰街市,買咗菜同魚。沿途森美大受街坊歡迎,森美唔怕中招同街坊貼身玩selfie,仲親切地同途人打招呼,並送上關心祝福大家身體健康。當去到街市買生菜時,他突然話要買多兩個西蘭花嚟做減肥餐,仲笑住投訴,「有啲報章偷偷地登咗我啲肥肥哋可愛相呀!所以打後兩個月要食西蘭花減肥。」至於魚販讚他真人靚過上鏡,𠱁到森美開心回應:「嘩!咁樣講,嘢都唔使買就可以畀錢啦!」

相熟牛肉檔半賣半送,一碟靚肥牛只收佢100蚊。
相熟牛肉檔半賣半送,一碟靚肥牛只收佢100蚊。
被封為「抗疫KOL」嘅森美去街市買菜,順道向菜販了解銷情。
被封為「抗疫KOL」嘅森美去街市買菜,順道向菜販了解銷情。
森美獲魚販大讚紅到日本,真人比上鏡靚仔。
森美獲魚販大讚紅到日本,真人比上鏡靚仔。
森美唔怕中招,親民地同Fans selfie。
森美唔怕中招,親民地同Fans selfie。
森美最近獲日本雜誌《BRUTUS》封為「國民主持」。
森美最近獲日本雜誌《BRUTUS》封為「國民主持」。

唔搶識分享一定夠

眼見魚、肉、菜等供應量充足,而且價格已回落,森美即發表大道理:「所以我堅持唔使搶,希望打後大家都可以冷靜啲,唔好羊群心理,好似街市菜檔咁,盲搶時會冇菜,搞到檔販大量入貨囤積,最後堆晒啲菜喺度冇人要造成浪費。我成日話搶就一定唔夠,互相去分享就會足夠,正如第一波疫情開始時我由外地返港,因為冇口罩要靠朋友分享,今日戴住嘅N95都係當時嘅物資。」疫情下森美除咗多關心朋友外,更珍惜同家人相處:「因為要保護家人,而我平日要返工,所以有咩需要就由我做跑腿,太太從來唔贊成我揸電單車,但發現咗係買餸戰車就唔同晒,會叫我揸車落九龍城買打邊爐配料…」另外,他又自爆兩年多前有六塊腹肌,目前較之前重咗16磅:「健身室又唔開,肥係正常,唔肥先唔正常呀!惟有做吓運動。」

疫情下,森美揸電單車去買餸唔使老婆操勞。
疫情下,森美揸電單車去買餸唔使老婆操勞。
經常要隔離嘅森美唔止出現抗疫疲勞,仲有埋「抗疫肥」。
經常要隔離嘅森美唔止出現抗疫疲勞,仲有埋「抗疫肥」。
為咗瘦身,自我隔離完後即出街跑步。
為咗瘦身,自我隔離完後即出街跑步。
2019年,森美fit爆拍《森美旅行團3》。
2019年,森美fit爆拍《森美旅行團3》。
森美為保護家人,全力出街做跑腿。
森美為保護家人,全力出街做跑腿。
疫情下,森美大仔梁曦樂由英國返港繼續求學。
疫情下,森美大仔梁曦樂由英國返港繼續求學。

 更多第5波疫情資訊,請到以下專頁瀏覽(按此
立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad