馬國明恨中六合彩多過得視帝 對獎項隨緣反睇好譚俊彥
2021-12-23 11:30 
馬國明、劉佩玥及江美儀等人，昨晚出席TVB新劇《隱形戰隊》煞科宴，今次是由幾位主角和監製齊齊夾錢慰勞一眾台慶幕後。馬明正忙於拍攝另一部新劇《法言人》，收工後才急急腳趕到，他稱《隱》劇是他從演以來最多動作戲的一次，比早年的《少年四大名捕》還要多，但由於他在開拍前2、3個星期才收到通知，因此未能積極操練以最fit身形上陣，慶幸平時有踢波體能還算可以，馬明笑說：「保持體能比較重要，因為動作戲好攰，拍攝時堅持每日跑一小時加強體能。」
談到馬明憑《星空下的仁醫》入圍「最佳男主角」最後5強，他笑謂：「都唔知點解入到5強，唔係招積，入圍係隨緣，今年入圍名單好平均，冇話邊個比較突出，我覺得係睇邊個好彩。我就看好Shaun（譚俊彥），佢好有人氣，估唔到可以同《魷魚遊戲》主角咁似樣。」馬明指之前看過譚俊彥的十八年後的殺人告白》，覺得他有演技，只欠好時機，而剛巧今次正遇到好時機，得獎機會大。
自己不想奪視帝？馬明謂：「我就隨緣，有時要講luck（運氣），我想中六合彩，聽講有4,000萬，最好冇人中，下期我中5,000萬。我好知足的，我仲有呢個夢想，中獎就唔使拍住，可以放長假。」若中獎不是第一時間和湯洛雯結婚？，馬明笑言：「到時再諗，中咗再諗點搞，希望有呢個luck畀我啦。」
最新回應