盧慧敏任義賣店店長受歡迎親手拼貼聖誕卡送給最愛

2021-12-23 01:30

盧慧敏（Amy Lo）日前於中環為慈善組織Make A Wish舉辦的籌款活動，擔任一日店長，為重病病童圓夢，有靚女坐陣，不少市民主動捐款，義賣反應也十分熱烈。今年聖誕節Amy雖然要在工作中度過，但她表示必定抽時間跟家人度過：「以前細個會去唱聖詩，大個咗就少咗，寧願留喺屋企同家人一齊過，好溫馨。我哋每年都會佈置聖誕樹，因為可以一齊做，好enjoy。同埋我會好期待食到媽咪整嘅home town甜品，類似一啲甜嘅飯、椰子布甸咁，有機會我都要學吓點整。」

Amy日前為義賣店做店長。

即場有不少市民熱心支持。

Amy還跟市民合照留念。

Amy愛製作小心思送給最愛，她說：「每年都會寫聖誕卡，因為收到聖誕卡已經係愈嚟愈難得，我自己都好鍾意收到，所以想人哋做嘅話，自己要先做，我有呢個習慣。平時會收到好多sponsor，佢哋都有好靚嘅包裝，自己都唔捨得扔掉，所以會剪咗可以用嘅部份重用，聖誕卡剪剪貼貼好好玩。」相信Amy男友、MIRROR成員陳卓賢必定收到女朋友的心意。