湯洛雯日日同馬明視像見面 李佳芯唔擔心人生大事

李幸倪（Gin Lee）出席聖誕慈善寵物活動，談到家裡其中一隻貓離世後，將所有愛給餘下的那隻貓，暫不考慮再領養。又自爆日前拍攝抱起一隻貓時，現場其他狗狗卻很大反應，貓貓嚇到狂咬她，令她發現自己真的很愛貓，因事發時她不肯放開貓貓怕牠走失出事，被牠咬到流血都冇嬲，笑言是真愛，更笑指：「貓貓冇話要拍嘢，所以都係人類嘅錯。」對於環球歌手沒有出席同日舉行的新城頒獎禮記者會，她稱：「唔清楚，一早就定咗出席聖誕活動，一切等公司安排。」

湯洛雯昨晚（26日）孖男友馬國明睇演唱會，她今晚出席聖誕活動稱：「收工即興趕去睇騷，就快開新劇，拍拖唔使日日見，好多方法維繫感情。」又表示有每日與男友視像見面，直言安全感重要，讚男友有交帶。她重申男友沒有求婚亦不介意自己求婚，但現階段想先儲錢，若想有小朋友就會結婚，但絕不會先有後婚。

李佳芯今日生日在工作中度過，晚上出席活動賺外快，她笑言：「有外快賺就開心，聖誕要拍劇，暫時冇異性約，大家點解咁關心嘅？好嘢唔使擔心。」指自己等得又悶得，不心急約會，阿媽也不擔心她。