鄭嘉穎指生仔湊仔需體力好辛苦 Bosco聞言即大叫怕怕

鄭嘉穎與黃宗澤（Bosco）昨晚一同出席新戲《G風暴》慈善首映，兩人在戲內飾演兩兄弟，有不少動作場面，Bosco表示被追打狂奔，嘉穎救他一起跳天橋，但二人均有腳患，笑言跑到「死死下」，擔心觸發舊患而特別小心。當爸爸後會否較錫身？嘉穎說不會，只是選擇拍與不拍，即使文藝片、醫生片都有機會跑十條街，有時候是無可避免。

兩人分享拍攝時的點滴。

Bosco在戲中要狂跑，曾擔心會影響舊患。

兩人雖然合作不多，但演對手戲時依然很有默契。

 

另外，鄭嘉穎憑劇集《星空下的仁醫》入圍TVB《萬千星輝頒獎禮2021》的「最佳男主角」5強，有否信心得獎？他反而睇好譚俊彥和張振朗：「年年都強，希望今屆有新氣象，有個新開始幾好，我就無謂啦，應該唔會見到我㗎喇，希望今年未攞過嘅攞到咁就好喇。」問到看好譚俊彥和振朗，不怕同劇兼同樣入圍5強的馬國明不開心？鄭嘉穎指馬明已得過視帝，他又笑言也希望Bosco得獎，但對方已不玩這個遊戲，Bosco聞言即笑說：「我都想攞㗎，多謝。」談到《星空下的仁醫》入圍11個獎成劇集提名之冠，嘉穎多謝觀眾支持，自言現階段想拍多些令觀眾有深刻印象的角色，希望臨退休前拍多兩、三個。Bosco即問那麼快退休，鄭嘉穎笑言或者拍到90歲仍未有遇到極難忘的角色。

嘉穎憑《星空下的仁醫》入圍視帝的最後5強。

 

談到聖誕節為家人安排好節目未？嘉穎笑說：「日日新鮮，日日甘，要安排唔同嘅嘢畀佢哋做。放假家長好大壓力，好在老婆能幹，已計劃好呢十幾日每日做嘅嘢。我同太太已經好耐冇過二人世界。」至於Bosco自言聖誕有很多人陪伴，因為要拍攝TVB劇《法證先鋒V》，生日、聖誕和跨年都在工作中度過。Bosco表示羨慕鄭嘉穎，他指拍戲時對方經常分享生仔經又催促他早日成家立室，嘉穎笑謂：「因為我知道好辛苦，需要有體力，佢哋（兒子）每日增長能力，我哋就每日降低能力。」Bosco聞言表示：「聽完你咁講，我仲驚，直情唔敢諗。」

Bosco（右）指嘉穎不時催他成家立室。

《G風暴》昨晚舉行慈善首映。