最佳男主角10強丨譚俊彥形容似上市集資張振朗幫手打氣

2021-12-15 18:45

TVB率先公布《萬千星輝頒獎禮2021》各獎項暫時10強名單，有份入圍演員接獲喜訊感興奮！譚俊彥憑《換命真相》在「最佳男主角」中領先搶佔10強位置，他形容感覺好似上市集資，又近一步，現在可以集中火力為《換命真相》角色拉票，希望17號截止前完成工作開Live繼續拉票及謝票！問到對入5強有沒有信心？他說：「入到10強係好嘅開始，希望有機會入5強，但都知道好困難。」

張振朗亦憑《拳王》入圍，同劇的黎耀祥以及情同兄弟的譚俊彥也搶佔了10強位置，相對年輕的他被視為新力軍。問到會否視二人為最大對手？振朗說：「《星空下的仁醫》嘅鄭嘉穎同馬國明都好受歡迎，我亦都睇好鍾嘉欣可以攞視后。」振朗指入圍視帝至今，一直受到祥哥及譚俊彥打氣支持，從二人口中聽到鼓勵說話已很開心，感謝二人的肯定，認為他們的成績也非常好，而他也看好譚俊彥，如果今年做出成績也會替對方高興。

馬國明亦說：「好開心，希望大家繼續支持，thank you.」鄭嘉穎同樣憑劇集《星空下的仁醫》飾演兒科醫生角色打進「最佳男主角」十強爭視帝，他說：「觀眾鍾意鬍鬚醫生呢個角色自己係好開心既，但攞獎呢個問題，心態上同之前講一樣，真心希望給未得過獎既演員攞，鼓勵性會更大。」