獨家丨羅天宇晚晚得貓陪瞓暗示冇女 獲封女神收割機好介意

羅天宇於TVB台慶劇《十月初五的月光》中飾演當年馬浚偉主演嘅「司徒禮信」，天宇坦言劇集帶畀佢四重壓力，除咗觀眾會將新舊版本對比外，他性格內歛唔容易投入演出，尤其跟撳掣就喊嘅何依婷合作會比下去，至於和何依婷傳出緋聞，他唉了一聲說：「無奈到爆炸！」採訪：方騫平 攝影：葉君海

羅天宇以工作行先，唔想再有緋聞。

羅天宇唔希望觀眾將新舊版本《十月初五的月光》作太多比較：「其實只得劇名及角色相同，故事背景同埋情節都有啲出入，如有幕寫我赤裸上身喺浴室出嚟，畀何依婷誤會我同胡鴻鈞有hehe情，呢段戲係新情節都幾得意嘅。」他又大讚何依婷好戲：「佢黐線㗎！撳掣式拍喊戲，但我由細到大習慣咗收埋自己情緒，屋企人唔畀男仔喊，所以拍攝時要好辛苦咁迫自己全情投入，早啲去培養情緒。」

何依婷好喊得。

 

劇中何依婷撞破天宇及胡鴻鈞有hehe情。

 

羨慕何依婷話喊就喊
天宇透露有場離別戲份，要從後攬住依婷，見女方好快喊緊，佢先至開始流到少少眼淚。「同佢合作好大壓力，事後同佢講『有冇搞錯呀咁快喊？』佢反而話『你睇我幾專業！』」對於被指「女神收割機」，曾跟苟芸慧、湯洛雯拍過拖，同劉穎鏇、蘇皓兒等傳過緋聞嘅羅天宇，對跟何依婷傳緋聞非常介意：「我好易惹緋聞，知道後忍唔住嘆咗一口氣，真係有啲唔開心，覺得被屈，無奈到爆炸。我唔想畀人以為我係咁換女友，真係女神收割機，其實晚晚得兩隻貓陪我瞓，所以𠵱家見到何依婷要避忌吓，就算食飯都要坐對角位，我同佢冇feel，而且𠵱家多咗工作機會，要諗清楚先開始一段感情。」

兩人避忌食飯但唔介意孖住上搵真銀。

羅天宇同何依婷喺戲外玩得好埋。

 

天宇跟湯洛雯拍過拖。

天宇話晚晚得兩隻貓陪佢瞓暗示冇女。