造星IV丨梁祖堯向參賽者找數 穿火紅色高踭鞋痛到爆粗

ViuTV選秀節目《全民造星IV》本周已進入40強階段，戰況愈來愈激烈，在昨晚（11月30日）一集中，除了留意看A、B組兩邊對決外，有觀眾看到B組導師梁祖堯竟穿上紅色高踭鞋出現，令不少人摸不着頭腦，甚至有網民問他是否扮哥哥張國榮，結果梁祖堯昨晚在社交網親自留言揭開箇中原因。

梁祖堯留言說：「啱啱做完舞台劇返到屋企，我阿媽問我，點解你會着住對高踭鞋上造星？答案得兩個字：找數。」梁祖堯隊內參賽者馬欣是高踭鞋舞老師，他便叫對方教導所有女仔穿高踭鞋行路及跳舞，結果她們買多一對送給他，要他跟她們一齊學，梁祖堯更答應她們比賽當日要穿上高踭鞋出現，因此當晚便著上現身。

對於穿高踭鞋，梁祖堯謂：「作為男人，我覺得有兩種痛，未試過係一定唔會明白。一樣係生仔（M痛我都歸納埋呢樣），一樣係着高踭鞋。比賽當日，我同佢哋講，你哋著幾耐我就著幾耐。隻腳痛到仆街，腳踭痛腳趾起晒水泡，腳板底抽筋，小腿抽筋，痛左（咗）足足3日。以前演出都有著過，但係只係着10幾分鐘，原來着住一晚係咁痛。係咁X痛。我都只係坐喺度，佢哋仲要着住嚟表演。真心respect（尊敬）的。着高踭鞋的痛，我體驗了一晚。女孩們，我愛你們。生仔的痛，我冇辦法體驗，媽媽，我愛你。」