獨家丨《造星IV》馬欣獲師兄 Frankie力撐 27歲參加唔怕遲

2021-11-30 21:30
馬欣多得師兄Frankie力撐,令參賽信心大增。
馬欣多得師兄Frankie力撐,令參賽信心大增。

《全民造星IV》40強剛誕生,有得留低的78號馬欣(馬彩欣),初次登場大跳Jazz令人印象難忘,不論評判、導師及觀眾都相當受落,更讚她性感得嚟又唔Cheap,馬欣亦好意外女觀眾一樣接受她。以27歲之齡選女團的馬欣自言唔怕遲,因有MIRROR最年長成員,33歲的Frankie力撐,令她信心大增,更無懼公開戀情。撰文:杜杜、秦詠姿  攝影:葉君海、譚壹致

馬欣多得師兄Frankie力撐,令參賽信心大增。
馬欣多得師兄Frankie力撐,令參賽信心大增。
馬欣多得師兄Frankie力撐,令參賽信心大增。
馬欣多得師兄Frankie力撐,令參賽信心大增。


第一輪比賽大跳性感舞蹈的馬欣,坦承沒想過女觀眾反應正面,「唔係Sexy一定係色情,我今次表演有兩個目的,第一係想大家認識我,第二就係想畀大家見到我呢種舞種,跳出嚟係一種藝術,而家出嚟嘅反應係開心,無論男、女觀眾都好鍾意同欣賞呢個Style。之前都預咗男仔會鍾意,但會諗女仔會唔會唔鍾意呢?而家唔單止鍾意,仲有好多女仔問係咪可以上我堂。」不過講到性感演出,馬欣就要考慮,「要視乎尺度,我本身想表達嗰樣嘢唔係想Show性感,所以唔會挑戰太色情嘢,譬如着三點式或者牀戲咁,呢啲尺度我係唔OK嘅,就算好藝術性質都要再考慮。」


為偶像Twins伴舞
18歲誤打誤撞入行做Dancer的馬欣,因為呢個經驗促使她參加比賽,「以前從來冇諗過會參加,今次動機就好似以前跳舞唔小心入咗行,跟住好鍾意,都係用呢股衝勁去報名。」做了8年Dancer,曾為黎明、譚詠麟、C All Star等伴舞的她,最開心是夢想成真跟偶像Twins合作,「細個好鍾意Twins,佢哋第一個MV打側手翻,我嗰時住村屋出面有個沙灘,我就喺沙灘係咁打學識咗側手翻,點知大個咗去佢哋演唱會casting中咗,喺佢哋演唱會有機會打側手翻,成件事好奇妙。」

馬欣認為入唔到女團,也可向演員方面發展。
馬欣認為入唔到女團,也可向演員方面發展。
馬欣在ig大晒性感三點式相。
馬欣在ig大晒性感三點式相。


想向演員發展
對於27歲才參加《造星IV》加入女團,馬欣唔覺得遲,「所有嘢都唔怕遲,咩年紀想做就試咗先,一定會有啲嘢拎得走。」而參賽她還有其他目標,「如果可以打破呢個年紀入到女團梗係好,但我都想有其他方面發展,我對演戲都有啲興趣,都想睇吓有冇機會喺呢方面發展。」馬欣決定參賽原來受師兄、MIRROR成員Frankie影響,「佢同我同一個Studio學跳舞,佢早我幾屆,嗰時佢已經好照顧我,教咗我好多嘢,今次《造星》佢都畀咗好多意見,佢叫我keep住自己心理質素,喺社交平台度講嘢宣傳自己多啲,仲教咗我一啲小技巧。(佢係年紀最大成員,都畀到啲勇氣你?)都係㗎!就係冇嘢係冇可能,咁咪試吓囉!」


男友買糖水支持
觀眾緣不俗的馬欣,由最初參賽時IG follower只有6千急升至兩萬1千,而且男女粉絲比例平均,她都開心暫時未算有太多負評,「除咗有人話我似黃心穎、黃心美同林嘉欣之外,都有人話我似賓妹,哈哈!我覺得OK,我由細到大皮膚都唔白,慣咗畀人話我似泰國、越南同馬來西亞人,嗰邊啲人都幾靚,所以我都唔覺得係踩,希望可以Keep住冇乜負評啦!」馬欣更大方公開已有舞蹈員男友,「身邊朋友都支持,所以佢都好支持。(有冇畀意見?)本身我哋意見已經好多,除非我真係好煩會搵佢幫手,但暫時都冇。如果好攰,佢咪買個糖水畀我食,哈哈!我覺得夠㗎嘞!食吓嘢減吓壓,因為佢知道我鍾意食嘢。」

不過馬欣無意走性感路線。
不過馬欣無意走性感路線。
馬欣熱愛水上活動。
馬欣熱愛水上活動。
馬欣能跟偶像Twins合作勁開心。
馬欣能跟偶像Twins合作勁開心。
冇想過跟「四大天王」之一的黎明伴舞。
冇想過跟「四大天王」之一的黎明伴舞。
讚C All Star夠貼地。
讚C All Star夠貼地。
為譚校長伴舞。
為譚校長伴舞。
在馬欣ig發現跟這位男性友人多張合照,未知是否其男友。
在馬欣ig發現跟這位男性友人多張合照,未知是否其男友。
皮膚黝黑的馬欣,自小被指似東南亞人。
皮膚黝黑的馬欣,自小被指似東南亞人。
關鍵字

最新回應

關鍵字

相關新聞

熱門文章