全民造星IV｜許廷鏗梁祖堯陷入foul人難題　花姐鬧阿Wing唔出聲

2021-11-26 23:21

《全民造星IV》今晚播出最新一集，評判由陳輝陽、阿占、泳兒、韋羅莎與鍾舒漫擔任，今集以CK、Yoyo、VAL、Carmina、Ashi以及Ariel組成的A5組對決以Ling、燒賣、Sam、Hannah、阿杰以及Sica組成的B3組。A5組自選項目以成員的經歷創作的原創曲《#A5110》進行唱歌表演，而B3組則行藝術風格以歌舞劇形式表演《燈下黑》。之後的跳舞項目兩隊的實力都相當平均，最終A5組以4盞藍燈勝出，而B3組的Sam亦被即時淘汰。

第二輪的團體賽亦正式完結，導師許廷鏗（Alfred）帶領的A組勝出三輪比賽，所以Alfred需要從組內挑選6位參賽者淘汰：而梁祖堯帶領的B組只勝出兩輪比賽，所以祖堯要揀9位參賽者進行淘汰。Alfred和祖堯因揀人問題搞到好頭痛，花姐都有幫手俾吓意見，不過花姐同兩位導師的意見似乎唔一致，而身為女團經理人的阿Wing喺隔離就好似冇咩出聲，搞到花姐鬧咗一句：「你出吓聲啦經理人！」不過阿Wing隨後就指住Alfred表示：「佢知㗎，我好相信佢知㗎。」最終淘汰結果要下一集才公佈。